బాచుపల్లి నిజాంపేట మునిసిపల్ కార్పొరేషన్ పరిధిలో వాసవి అర్బన్ అపార్ట్మెంట్ ముందు కొనుగోలుదారులు పెద్ద ఎత్తున ఆందోళన చేశారు. తాము కొనుగోలు చేసిన ఇళ్లను గడువు తీరినా ఇంకా అప్పగించలేదని నిరసన వ్యక్తం చేశారు. నిర్ణయించిన నిర్మాణ గడువు చాలాకాలం క్రితమే పూర్తయినా ఇప్పటివరకు మా అపార్ట్మెంట్లు మాకు హ్యాండోవర్ చేయకపోవడంతో కొనుగోలుదారుల ఆగ్రహం వ్యక్తం చేశారు.
అపార్ట్మెంట్ ఆలస్యం కారణంగా మేము ఇంటి అద్దెలు , బ్యాంక్లుల ఈ.ఎం.ఐ.లు కట్టుకోవాల్సి వస్తోందన్నారు. ఆర్థికంగా ఒత్తిడికి గురవుతున్నామని, మా జీవిత పొదుపులతో కొనుగోలు చేసిన ఇళ్లను ఇలా ఆలస్యం చేయడం అన్యాయమని వారు సిబ్బందిపై ఆగ్రహం వ్యక్తం చేశారు. వెంటనే హ్యాండోవర్ చేయాలి. లేకపోతే పెద్ద ఎత్తున ఉద్యమం చేస్తాం అని హెచ్చరించారు. ఎన్నిసార్లు కాంట్రాక్టర్లను, మేనేజ్మెంట్ను సంప్రదించినా సరైన స్పందనే రాలేదని వారు ఆరోపించారు.. మా న్యాయమైన సమస్యపై మునిసిపల్ అధికారులు, సంబంధిత విభాగాలు తక్షణం దృష్టి సారించి స్పష్టమైన ఇళ్లను హ్యాండోవర్ చేయాలని కోరారు.
బాచుపల్లి పోలీసులు పరిస్థితిని సమీక్షించి కొనుగోలుదారులతో మాట్లాడి వీలైనంత త్వరగా సమస్య పరిష్కారం చేస్తామని తెలుపడం తో వివాదం సద్దుమణిగింది. వాసవి సంస్థ బడా ప్రాజెక్టులను చేపడుతోంది. ఎంతో నమ్మకం పెంచుకోవాల్సిన ఈ కంపెనీ.. ఇలా ఇళ్ల కొనుగోలుదారులను ఇబ్బంది పెట్టడంతో ఆ సంస్థపై వినియోగదారులకు నమ్మకం పోయే పరిస్థితి ఏర్పడింది.
