బుర్రా సాయిమాధవ్… ప్రస్తుతం టాలీవుడ్లోని స్టార్ రైటర్. పెద్ద పెద్ద సినిమాలన్నీ ఆయన చేతుల్లోనే ఉన్నాయి. బయోపిక్ల స్పెషలిస్టుగానూ ముద్ర వేసుకున్నారు. మహానటితో ఆయన బయోపిక్ జర్నీ మొదలైంది. సైరా, ఎన్టీఆర్, గౌతమ పుత్ర శాతకర్ణి చిత్రాలకూ ఆయనే సంభాషణలు అందించారు. ఇప్పుడు మరో బయోపిక్ ఆయన చేతిలో పడింది.
సీరియర్ దర్శకుడు సింగీతం శ్రీనివాసరావు మరోసారి మెగాఫోన్ పట్టబోతున్న సంగతి తెలిసిందే. బెంగళూరు నాగరత్నమ్మ కథని ఆయన తెరపైకి తీసుకొస్తున్నారు. ఈ చిత్రానికి బుర్రా సాయిమాధవ్ సంభాషణలు అందించనున్నారు. ఇప్పటికే స్క్రిప్టు పనులు మొదలైపోయాయి. నాగరత్నమ్మ పాత్రలో ఓ స్టార్ కథానాయిక నటించబోతోంది. లిస్టులో ప్రస్తుతం టాలీవుడ్లో ఉన్న టాప్ హీరోయిన్ల పేర్లన్నీ ఉన్నాయి. వాళ్లలో ఎవరు ఖాయమవుతారో చూడాలి. మే – జూన్లలో ఈ చిత్రం పట్టాలెక్కుతుంది. ఈలోగా ఓ అధికారిక ప్రకటన రానుంది.
