కొరటాల శివ స్వతహాగా మంచి రచయిత. తన పెన్ను బలమే.. తనని స్టార్ డైరక్టర్ని చేసింది. ఆయన సినిమాలకు కథలు, మాటలు, స్క్రీన్ ప్లే అన్నీ తనవే. అయితే తొలిసారి కొరటాల మరో రచయిత సహాయం తీసుకోబోతున్నాడు.
అవును.. కొరటాల శివ – చిరంజీవి కాంబినేషన్లో ఓ సినిమా రూపుదిద్దుకుంటున్న సంగతి తెలిసిందే. కథ కూడా సిద్ధమైంది. అయితే సంభాషణల విషయంలో కొరటాల శివ మరో రచయిత బుర్రా సాయిమాధవ్ సహాయం తీసుకోబోతున్నట్టు తెలుస్తోంది. డైలాగులలో కొంత పార్ట్ బుర్రా రాయబోతున్నాడట. చిరంజీవి ఖైది నెం.150, సైరా చిత్రాలకు రచయితగా పనిచేశాడు బుర్రా. ఆయా చిత్రాలతో బుర్రా సాయిమాధవ్కి మెగా కాంపౌండ్తో, మరీ ముఖ్యంగా చిరంజీవితో సాన్నిహిత్యం ఏర్పడింది. అందుకే 152వ సినిమాలోనూ కొన్ని కీలకమైన సన్నివేశాలకు బుర్రాతో సంభాషణలు రాయించుకోవాలని చిరు భావించాడు. దానికి కొరటాల కూడా ఒప్పుకోవడంతో… చిరు 152లో బుర్రా సాయిమాధవ్ `పెన్ను` చేసుకోబోతున్నట్టు తెలుస్తోంది.
