టాలీవుడ్ నెంబర్: 1 హీరో ప్రిన్స్ మహేష్ బాబు తన అభిమానులకు నూతన సంవత్సరం కానుకగా ‘బ్రహ్మోత్సవం’ సినిమా టీజర్ ని కానుకగా అందించారు. ఎటువంటి హడావుడి, ప్రకటన లేకుండా తన చిత్ర యూనిట్ సభ్యుల సమక్షంలో ‘బ్రహ్మోత్సవం’ టీజర్ ట్వీటర్ ద్వారా నిన్న విడుదల చేసారు. ఈ సినిమాలో మహేష్ బాబుతో సమంత, కాజల్‌ అగర్వాల్, ప్రణీత ముగ్గురు హీరోయిన్లుగా నటిస్తున్నారు.

సీతమ్మ ‘వాకిట్లో సిరిమల్లె చెట్టు’ వంటి సూపర్ హిట్ సినిమాని అందించిన శ్రీకాంత్ అడ్డాల ఈ సినిమాకు దర్శకత్వం చేస్తున్నారు. ఈ సినిమా కూడా మంచి కుటుంబ కధా చిత్రంగా తెరకెక్కిస్తున్నారు. పివిపి బ్యానర్ లో పరం వి. పొట్లూరి ఈ సినిమాను నిర్మిస్తున్నారు. ప్రముఖ సంగీత దర్శకుడు మిక్కి జె మేయర్ ఈ సినిమాకి సంగీతం సమకూర్చుతున్నారు. ఈ సినిమా ఈ ఏడాది ఏప్రిల్ నెలలో విడుదలవుతుంది. ఈ సినిమా టీజర్ లింక్: https://youtu.be/gaKZqfw1pWE