సరైనోడుతో మరో హిట్టు కొట్టి మాస్ దర్శకుల జాబితాలో తన స్థానాన్ని మరో మెట్టు పైకెక్కించుకొన్నాడు బోయపాటి శ్రీను. ఇప్పుడు బెల్లంకొండ సాయి శ్రీనివాస్ తో ఓ సినిమా చేయబోతున్నాడు. అతి త్వరలో ఈ సినిమా సెట్స్పైకి వెళ్లబోతోంది. అయితే ఈలోగా.. మరో కథ రెడీ చేస్తున్నాడు. ఈసారి మహేష్బాబుతో సినిమా చేయడానికి పూర్తి స్థాయలో ప్రిపేర్ అవుతున్నాడు బోయపాటి. మహేష్తో ఓ సినిమా చేయాలని బోయపాటి ఎప్పటి నుంచో అనుకొంటున్నాడు. ఓసారి.. మహేష్ని కలసి ఓ కథ కూడా వినిపించాడు. అందులో మాస్, కమర్షియల్ అంశాలు ఎక్కువ ఉండడంతో ‘అంత డోసు అయితే తట్టుకోలేను. కొంచెం తగ్గించండి. నాకు ఫ్యామిలీ ఆడియన్స్ ముఖ్యం’ అన్నాడట. అందుకోసం ఇప్పుడు మహేష్ ని దృష్టిలో ఉంచుకొని.. ఓ కథ సిద్ధం చేస్తున్నట్టు తెలుస్తోంది.
సాధారణంగా బోయపాటి సినిమా అంటే యాక్షన్ బొనాంజానే. మహేష్ కోసం దాన్ని కొంత తగ్గించి.. ఫ్యామిలీ డ్రామా జోడించి కథ సిద్ధం చేస్తున్నాడట. మహేష్ ప్రస్తుతం లండన్ లో ఉన్నాడు. రాగానే మురుగదాస్ తో సినిమా పట్టాలెక్కిస్తాడు. ఆమధ్య గ్యాప్లో మహేష్ని కలసి మరో కథ వినిపించడానికి బోయపాటి సన్నాహాలు చేసుకొంటున్నాడు. మరి ఈసారి మహేష్కి ఎలాంటి కథ చెబుతాడో మరి.
