బెల్లంకొండ శ్రీనివాస్ ఓ మాదిరి హీరోయిన్లతో సినిమాలు చేయడేమో. తొలి సినిమాకే సమంతని పట్టేశాడు. తమన్నాని ఐటెమ్ గాళ్గా మార్చుకొన్నాడు. మూడో సినిమాకి రకుల్ ప్రీత్సింగ్ ని ఎంచుకొన్నాడు. అల్లుడు శ్రీను కోసం సమంతకు రెండు కోట్ల పారితోషికం ఇచ్చారని, తమన్నాకు రూ.75 లక్షల వరకూ చదివించుకొన్నారని వార్తలొచ్చాయి. ఇప్పుడు రకుల్ కూడా ఏం తగ్గడం లేదు. పారితోషికం పేరుతో బెల్లం కొండని బెదరగొట్టేస్తోంది. బోయపాటి శ్రీను దర్శకత్వంలో బెల్లంకొడ శ్రీనివాస్ హీరోగా ఓ సినిమా రూపుదిద్దుకోనుంది. ఇందులో కథానాయికగా రకుల్ని ఎంచుకోవాలనుకొంటున్నారు. అయితే రకుల్ పారితోషికం ఎంత డిమాండ్ చేస్తోందో తెలుసా??
ఈ సినిమా కోసం ఏకంగా రూ.కోటిన్నర అడిగిందట. సాధారణంగా రకుల్ పారితోషికం కోటి రూపాయల లోపే. కానీ చేయాల్సింది బెల్లంకొండ శ్రీనివాస్తో కాబట్టి కోటిన్నర డిమాండ్ చేసిందని టాక్. అయితే ఇంకో షాకేంటంటే.. అడిగినంత ఇవ్వడానికి చిత్రబృందం కూడా ఒప్పుకొంది. పెద్ద దర్శకుడు, ఓ స్టార్ హీరోయిన్ ఉంటే సినిమాకి వచ్చే క్రేజ్ వేరని.. వాళ్ల నమ్మకం. అందుకే రకుల్ పంట పండింది. అన్నట్టు ఈ చిత్రానికి అభిషేక్ పిక్చర్స్ నిర్మాణ బాధ్యతలు చేపట్టింది. అయితే వెనుక ఉండి డబ్బులు అందిస్తోంది మాత్రం బెల్లంకొండ సురేష్ అని వినికిడి.
