ఇండియాలో జూన్ వరకూ.. పూర్తి స్థాయి లాక్డౌన్ ఆ తర్వాత సెప్టెంబర్ వరకూ పాక్షిక లాక్డౌన్ ఉంటుందని నివేదిక విడుదల బోస్టన్ కన్సల్టెన్సీ గ్రూప్ … తూచ్ అనేసింది. తమ పేరుతో సర్క్యూలేట్ అవుతున్న నివేదికను తాము అధికారికంగా విడుదల చేసింది కాదని స్పష్టం చేసింది. ఈ నివేదిక విడుదలై నాలుగైదు రోజులు అవుతోంది. అప్పుడే దీనిపై కేంద్ర ప్రభుత్వ వర్గాలు స్పందించాయి. లాక్డౌన్ ఎత్తివేతపై ఎలాంటి సూచనలు లేవని.. స్పష్టం చేసింది . అయితే.. అదే రిపోర్టును తెలంగాణ సీఎం కేసీఆర్ ప్రెస్మీట్లో చూపించి… భారత్లో పరిస్థితి భయంకరంగా మారబోతోందని.. బీసీజీ చెప్పిందని.. అందుకే లాక్ డౌన్ పొడిగించాల్సి ఉందన్న అభిప్రాయాన్ని వ్యక్తం చేశారు. ఆ నివేదికను.. ప్రెస్మీట్లో ప్రదర్శించారు కేసీఆర్. దీంతో మరో సారి.. ఆ నివేదిక గురించి చర్చ ప్రారంభమయింది. ఆ నివేదిక సోషల్ మీడియాలోనూ విపరీతంగా ఫార్వార్డ్ అయింది.
ఇదేదో తేడా జరుగుతుందని బీసీజీ అనుకుందేమో కానీ.. వెంటనే… యూటర్న్ తీసుకుంది. ఆ నివేదికకు ఎలాంటి అథంటికేషన్ లేదని..తాము అధికారికంగా ఎలాంటి పరిశోధన చేసి.. నివేదిక విడుదల చేయలేదని స్పష్టం చేసింది. అది.. బోస్టన్ కన్సల్టింగ్ గ్రూప్ అధికారిక రిపోర్ట్ కాదని తేల్చి చెప్పేసింది. ఈ మేరకు మీడియా సంస్థలకు స్పష్టమైన సమాచారం పంపింది. పూర్తి స్థాయిలో బీసీజీ అధికారిక ముద్రలతో విడుదలైన రిపోర్ట్ పై… ఒక్క సారి బీసీజీ యూటర్న్ తీసుకోవడం అందర్నీ ఆశ్చర్య పరుస్తోంది. తాము ప్రిపేర్ చేయలేదని.. ఆ సంస్థ చెప్పడం లేదు కానీ… అధికారిక రిపోర్ట్ కాదని మాత్రంచెబుతోంది.
అంటే… ఓ వ్యూహం ప్రకారం… కావాలనే.. దాన్ని రిలీజ్ చేసినట్లుగా భావిస్తున్నారు. ఈ విషయంలో బీసీజీపై తీవ్రమైన ఆరోపణలు ఉన్నాయి. ఏపీలో మూడు రాజధానుల అంశంపైనా… ఇదే తరహా రిపోర్ట్ ను…ప్రభుత్వానికి సమర్పించి రూ.ఏడు కోట్ల ప్రజాధనాన్ని ఫీజుగా పొందింది. ఎలాంటి కసరత్తు చేయకుండానే అంతకు ముందు ప్రభుత్వం ప్రకటించిన ఓ బ్లూప్రింట్లోని అంశాలతో ఆ నివేదిక ఉంది. ఇప్పుడు..లాక్ డౌన్ నివేదిక రచ్చ అయ్యే అవకాశం ఉండటంతో.. అధికారికం కాదని చెప్పుకొస్తున్నట్లుగా భావిస్తున్నారు.
