భారతీయ జనతా పార్టీ రాయలసీమ కోసం…. ఉద్యమం ప్రారంభించాలని నిర్ణయించుకుంది. కడపలో ఆ పార్టీకి చెందిన ముఖ్యనేతలు సమావేశమై… ఈ మేరకు.. రాయలసీమకు సంబంధించిన కీలమైన డిమాండ్లతో ఓ ప్రకటనను… ఏపీ బీజేపీ అధ్యక్షుడు కన్నా లక్ష్మినారాయణ ప్రక్రటించారు. అందులో అనేక కీలకమైన అంశాలున్నాయి. రాయలసీమలో రెండో రాజధానిని ఏర్పాటు చేయాలనేది.. బీజేపీ డిమాండ్లలో మొదటిది. తర్వాత రాయలసీమలో హైకోర్టు , రాయలసీమ ప్రాజెక్టులకు 210 టీఎంసీల నికర జలాలు, కడప జిల్లాలో స్టీల్ ప్లాంటు ఏర్పాటు , పోతిరెడ్డిపాడు రెగ్యులేటర్‌ను లక్ష క్యూసెక్కులకు పెంచడం, గుండ్రేవుల, ఆర్డీఎస్‌ సమాంతర కాలువ, వేదావతిపై జలాశయం నిర్మించడం, జోలదరాశి, రాజోలి జలాశయాలను తక్షణం పూర్తి చేయడం మిగతా డిమాండ్లు. అలాగే.. రాయలసీమ అభివృద్ధి బోర్డును పునరుద్ధరించి 20 వేల కోట్లు కేటాయించాలనేది.. మరో కీలకమైన ఆర్థిక డిమాండ్. రాయలసీమను 8 జిల్లాలుగా పునర్విభజన చేయాలని కూడా కన్నా లక్ష్మినారాయణ డిమాండ్ చేశారు.

కడపజిల్లా ప్రొద్దుటూరులో నిన్న బీజేపీ ముఖ్యనేతలు ఇండోర్ మీటింగ్ జరిపారు. భారతీయ జనతా పార్టీని ప్రజల్లోకి ఎలా తీసుకెళ్లాలన్నదానిపై.. సమావేశంలో అందరి అభిప్రాయాలు తీసుకున్నట్లుగా తెలుస్తోంది. పార్టీ హైకమాండ్ చేసిన ప్రత్యేకమైన సూచనల మేరకే.. ఈ సమావేశం జరిగిందని… ప్రచారం జరుగుతోంది. అందుకే.. ఈ సమావేశం ఎజెండా కూడా సీక్రెట్ గానే ఉంది. కానీ… రాయలసీమ బీజేపీలో జరగబోయే.. కొన్ని కీలకమైన మార్పులపై.. ఈ సమావేశంలో.. పార్టీ నేతలకు.. హైకమాండ్ నుంచి సందేశం అందినట్లుగా చెబుతున్నారు. ఈ సమావేశం తర్వాతే… కన్నా లక్ష్మినారాయణ డిమాండ్లను ప్రకటించారు.

ఆంధ్రప్రదేశ్‌లో ప్రభుత్వం మారిన తర్వాత బీజేపీ ప్రధానంగా రాయలసీమపై దృష్టి పెట్టింది. భయంతోనే.. మరో కారణంతోనే.. బీజేపీలో చేరడానికి వచ్చే నేతల వల్ల …ప్రయోజనం ఎంత ఉంటుందో.. ఊహించలేనంత …వ్యూహకర్తలు బీజేపీలో లేరు. అందుకే.. వారి చేరికలతో పాటు.. ప్రజల్లో పట్టు పెంచుకునేందుకు వ్యూహరచన చేస్తున్నారు. అందుకే రాయలసీమపై బీజేపీ ప్రత్యేకంగా దృష్టి సారించిందని చెబుతున్నారు. రాయలసీమకు సంబంధించిన కీలకమైన సమస్యలపై తాము పోరాటం చేసి…వాటి కేంద్రం ద్వారా పరిష్కారాలు చూపించి… ప్రజల మద్దతు కూడగట్టుకోవాలని భావిస్తున్నట్లుగా తెలుస్తోంది.