వ్యవసాయ చట్టాలు భారతీయ జనతాపార్టీ పునాదుల్ని కదిలించేశాయని పంజాబ్ స్థానిక సంస్థల ఎన్నికలు నిరూపిస్తున్నాయి. పార్టీల వారీగా జరిగిన పంజాబ్ మున్సిపల్ ఎన్నికల ఫలితాల్లో భారతీయ జనతా పార్టీ ఒకటి.. రెండు.. మూడు స్థానాల్లో కనిపించలేదు. ఏకంగా నాలుగో స్థానంలో నిలిచింది. అత్యధిక శాతం వార్డుల్లో కనీసం డిపాజిట్లు దక్కలేదు. పంజాబ్లో 8 మున్సిపల్ కార్పొరేషన్లలో అదే పరిస్థితి. రెండో స్థానంలో భారతీయ జనతా పార్టీతో నిన్నామొన్నటి వరకూ పొత్తులో ఉన్న శిరోమణి అకాలీదశ్ నిలిచింది. అయితే పేరుకు మాత్రమే… రెండో స్థానం. ఎక్కడా ఒక్క కార్పొరేషన్ కానీ.. మున్సిపాలిటీ, నగర పంచాయతీల్లో కానీ గెలిచిన దాఖలాలు లేవు . కొన్ని వార్డుల్లో మాత్రం గెలిచింది. ఆమ్ ఆత్మీ పార్టీ మూడో స్థానం లో నిలిచింది. నాలుగో స్థానంలో అతి కష్టం మీద భారతీయ జనతా పార్టీ నిలిచింది.
వ్యవసాయ చట్టాల విషయంలో… ఢిల్లీ సరిహద్దుల్లో పంజాబ్, హర్యానాతోపాటు ఉత్తరాదికి చెందిన రైతుల ఆందోళనలు… ఈ ఎన్నికలపై తీవ్ర ప్రభావం చూపించాయి. కేంద్ర ప్రభుత్వం సమస్యను పరిష్కరించకపోగా.. రైతులపై ఖలిస్థాన్ వేర్పాటు వాదుల ముద్ర వేసే ప్రయత్నం చేస్తోంది. ఈ పరిణామాలన్నీ పంజాబ్ రైతుల ఆగ్రహాన్ని ఓట్ల రూపంలో బయటకు వచ్చేలా చేశాయంటున్నారు. నిజానికి అక్కడ భారతీయ జనతా పార్టీ సింగిల్గా అధికారంలోకి వచ్చేంత బలంగా లేదు. కానీ దశాబ్దాలుగా శిరోమణి అకాలీదళ్తో పొత్తులో ఉంది. ఆపార్టీతో కలిసి అధికారం పంచుకునేది. ఇప్పుడు వ్యవసాయ చట్టాలను వ్యతిరేకిస్తూ.. అకాలీదళ్ కూడా బీజేపీకి కటీఫ్ చెప్పింది.
రైతుల ఆగ్రహం ఒక్క పంజాబ్లోనే ఉందా.. లేక దేశ వ్యాప్తంగా ఉందా అన్నది ఇప్పుడు చర్చనీయాంశం అయ్యే అవకాశం ఉంది. ఎలా లేదన్నా ఈ ఫలితాలు దేశం^మొత్తం మీద ఉన్న రైతులపై ప్రభావం చూపిస్తాయని అంటున్నారు. దేశభక్తి ఎజెండాతో ఎప్పుడూ ఎన్నికలకు వెళ్లే బీజేపీకి రైతుల ఆగ్రహం ఇబ్బందికరమే. ఈ పరిస్థితి దేశం ప్రభావం చూపితే… భారతీయ జనత ాపార్టీకి గడ్డు కాలం రావడం ఖాయమేనని చెప్పుకోవచ్చు. ఎందుకంటే.. బీజేపీ భావోద్వేగాల మీద గెలుస్తోందని… అదే రైతుల భావోద్వేగం దాన్ని డామినేట్ చేస్తే బీజేపీ అడ్రస్ గల్లంతవుతుందని పోల్ విశ్లేషకుల అంచనాలు.
