పవన్ కల్యాణ్ – హరీష్ శంకర్ కాంబినేషన్ లో ఓ సినిమా రూపుదిద్దుకుంటున్న సంగతి తెలిసిందే. మైత్రీ మూవీస్ నిర్మిస్తోంది. ఈ సినిమాకి టైటిల్ ఏం పెడతారా? అని అభిమానులంతా ఆత్రుతగా ఎదురు చూస్తున్నారు. ఎట్టకేలకు ఈ సినిమా టైటిల్ ఫిక్సయ్యింది. అదే `భవదీయుడు భగత్ సింగ్`. కొద్దిసేపటి క్రితం.. చిత్రబృందం ఈ టైటిల్ ని అధికారికంగా ప్రకటించింద. `పవర్ఫుల్ టైటిల్ ఫర్ పవర్ఫుల్ కటౌట్` అంటూ… ఓ పోస్టర్ ని కూడా వదిలింది.
ఢిల్లీ నేపథ్యంలో సాగే సినిమా ఇది. ఇందులో పవన్ లెక్చలర్గా కనిపిస్తారని చెప్పుకుంటున్నారు. అయితే ఆ పాత్రకు మరో కోణం కూడా ఉంటుందని, అదే సస్పెన్స్ అని సమాచారం. హరీష్ ఎక్కువగా ఎంటర్టైన్మెంట్ సినిమాలే తీశాడు. గబ్బర్ సింగ్ కూడా అలాంటిదే. అయితే ఈసారి ఆ వినోదానికి.. సందేశాన్ని కూడా జోడించబోతున్నట్టు టైటిల్ చూస్తేనే అర్థమైపోతోంది. అతి త్వరలోనే ఈ సినిమా షూటింగ్ మొదలెడతారు.
