శంక‌ర్ అన‌గానే గ్రాండియ‌ర్ గుర్తొస్తుంది. వెండి తెర‌పై భారీద‌నం ఎలా తీసుకురావాలో ఆయ‌న‌కు బాగా తెలుసు. అంతేకాదు. సామాజిక స‌మ‌స్య‌ల చుట్టూ ఆయ‌న క‌థ‌లు న‌డుస్తాయి. ‘భార‌తీయుడు’ అలాంటి క‌థే. క‌మ‌ల్ హాస‌న్ విశ్వ‌రూపానికీ, శంక‌ర్ ద‌ర్శ‌క‌త్వ ప్ర‌తిభ‌కు ఆ సినిమా ఓ తార్కాణం. ఇప్పుడు ‘భార‌తీయుడు 2’ వ‌స్తోంది. జులైలో ఈ చిత్రాన్ని విడుద‌ల చేస్తారు. ఇప్పుడు ట్రైల‌ర్ బ‌య‌ట‌కు వ‌దిలేశారు.

దాదాపు రెండున్న‌ర నిమిషాల ట్రైల‌ర్ ఇది. శంక‌ర్ మార్క్‌కు త‌గ్గ‌ట్టుగా గ్రాండియ‌ర్‌గా సాగింది. లెక్క‌లేన‌న్ని పాత్ర‌లు, హంగామా క‌నిపించింది. దానికంటే ఓ సోష‌ల్ ఇష్యూని తెర‌పైకి తీసుకొచ్చారు. క‌మ‌ల్ హాస‌న్ గెట‌ప్ ప‌లు ర‌కాలుగా క‌నిపించింది. ముస‌లి క‌మ‌ల్… ష‌ర్టు విప్పి, సిక్స్‌ప్యాక్ చూపించ‌డం ఈ ట్రైల‌ర్‌కే హైలెట్.

‘భార‌తీయుడు 2’లో సిద్దార్థ్ పాత్ర కీల‌కం. ఆ పాత్ర చుట్టూనే ఈ క‌థంతా న‌డుస్తుంది. క‌మ‌ల్ పాత్ర చివ‌ర్లో ప్ర‌వేశిస్తుంద‌ని, భార‌తీయుడు 3 కోసం క‌మ‌ల్ పాత్ర‌ని అట్టి పెట్టార‌ని ప్ర‌చారం జ‌రిగింది. అయితే ట్రైల‌ర్‌లో క‌మ‌ల్ పోర్ష‌న్ ఎక్కువ‌గానే క‌నిపించింది. ర‌కుల్ ప్రీత్ అయితే ఒక్క షాట్ లో క‌నిపించి మాయ‌మైపోయింది. సూర్య‌కు కూడా డైలాగులు లేవు. ప్రొడ‌క్ష‌న్ వాల్యూస్ అడుగ‌డుగునా క‌నిపించాయి. క‌మ‌ల్ గెట‌ప్పులు, సోష‌ల్ ఇష్యూ, వీటికి తోడు ఎమోష‌న్ కూడా వ‌ర్క‌వుట్ అయితే, శంక‌ర్ మ్యాజిక్ మ‌ళ్లీ వెండి తెర‌పై చూసే అవ‌కాశం ఉంది.