తెలుగులో సూపర్ హిట్టయి.. ప్రభాస్ కి మాస్ ఇమేజ్ ని తెచ్చిపెట్టిన సినిమా ఛత్రపతి. ఈ సినిమాని ఇంత కాలానికి హిందీలో రీమేక్ చేశారు. బెల్లంకొండ సాయి శ్రీనివాస్ ఈ సినిమాతోనే బాలీవుడ్ ఎంట్రీ ఇచ్చాడు. మన వినాయక్ ఈ చిత్రానికి దర్శకత్వం వహించడం విశేషం. ఈనెల 12న విడుదల అవుతోంది. అయితే.. తొలి షో మాత్రం పడిపోయింది. హైదరాబాద్ లో ఈ సినిమాని కొంతమంది సన్నిహితులు, మీడియాలోని ప్రముఖులకూ ఈ సినిమా చూపించారు. వాళ్లందరి నుంచీ.. పాజిటీవ్ ఫీడ్ బ్యాకే వస్తోంది. బెల్లంకొండ శ్రీనివాస్ సినిమాలు చాలామట్టుకు హిందీలో డబ్ అయ్యాయి. వాటికి విపరీతమైన స్పందన వస్తుంది. పైగా హిందీ డబ్బింగ్ రైట్స్ విషయంలో బెల్లంకొండకు సెపరేట్ మార్కెట్ ఉంది. ఈ సినిమాని కేవలం.. బెల్లంకొండని బాలీవుడ్ లో ప్రమోట్ చేయడానికే తీశారు. ఆ లక్ష్యం ఈ సినిమాతో నెరవేరినట్టే అనిపిస్తోంది. కథాపరంగా కొన్ని మార్పులూ చేర్పులూ చేశారని ముందు నుంచీ టాక్ వినిపించింది. అయితే… ఛత్రపతిని ఉన్నది ఉన్నట్టుగా తర్జుమా చేశాడు వినాయక్. కొత్త మార్పులు చేయలేదు. అందుకే ఈ సినిమాని కేవలం హిందీ బెల్ట్కే పరిమితం చేశారు. సౌత్ ఇండియన్ మసాలా మూవీస్కి బాలీవుడ్ లో ఇప్పుడు మంచి గిరాకీ ఏర్పడింది. ఈ నేపథ్యంలో.. ఛత్రపతి అక్కడి జనాలకు నచ్చ వచ్చు. కాకపోతే.. తెలుగు ఛత్రపతిని హిందీ లో డబ్బింగ్ రూపంలో ఇప్పటికే చాలాసార్లు చూసేశారు. అయినా.. ఈ సినిమా చూడ్డానికి థియేటర్లకు వస్తారా? అనేదే పెద్ద ప్రశ్న. కాకపోతే… నార్త్ లో బెల్లంకొండ గట్టిగా ప్రమోషన్లు చేస్తున్నాడు. తను వెళ్లిన ప్రతీచోటా.. జనాలు బాగా గేదర్ అవుతున్నారు. యూత్ కూడా బెల్లంకొండ వెంట పడుతోంది. తనే వాళ్లని థియేటర్లకు రప్పించాలి.
ఛత్రపతి షో పడిపోయింది
