బెల్లంకొండ శ్రీ‌నివాస్ క‌థానాయ‌కుడిగా సాగ‌ర్ చంద్ర ద‌ర్శ‌క‌త్వంలో ఓ చిత్రం రూపుదిద్దుకొంటోంది. బెల్లంకొండ‌కు హీరోగా ఇది 10వ చిత్రం. 14 రీల్స్ ప్ల‌స్‌ సంస్థ నిర్మిస్తోంది. ఓ షెడ్యూల్ కూడా పూర్త‌య్యింది. జ‌న‌వ‌రి 3… బెల్లంకొండ శ్రీ‌నివాస్ పుట్టిన రోజు. ఈ సంద‌ర్భంగా ఫ‌స్ట్ లుక్ విడుద‌ల చేస్తారు. టైటిల్ కూడా ప్ర‌క‌టిస్తారు. ఈ చిత్రానికి ‘టైస‌న్‌’ అనే టైటిల్ ఖ‌రారు చేసిన‌ట్టు తెలుస్తోంది. ఈ సినిమాలో హీరో ఎన్‌.ఐ.ఏ ఆఫీస‌ర్‌గా క‌నిపించ‌బోతున్నాడ‌ని తెలుస్తోంది. త‌న పేరుతోనే టైటిల్ ఫిక్స్ చేశారు. ఈ చిత్రానికి భీమ్స్ సంగీతాన్ని అందిస్తున్నాడు. క‌థానాయిక వివ‌రాలు కూడా తెలియాల్సివుంది.

మ‌రోవైపు బెల్లంకొండ మ‌రిన్ని క‌థ‌ల‌కు గ్రీన్ సిగ్న‌ల్ ఇవ్వ‌బోతున్నాడు. ర‌మేష్ వ‌ర్మ‌తో ‘రాక్ష‌సుడు 2’కి రంగం సిద్ధ‌మైంది. ‘నాంది’ ద‌ర్శ‌కుడితో ఓ సినిమా చేస్తున్నాడు. వీటికి సంబంధించిన అధికారిక ప్ర‌క‌ట‌న కూడా త్వ‌ర‌లోనే రావొచ్చు.