ఈ ఉగాదికి నందమూరి బాలకృష్ణ వందో సినిమాకి సంబంధించిన అఫీషియల్ ఎనౌన్స్మెంట్ బయటకు వచ్చేసింది. ఇప్పుడు ఈ సినిమా ప్రారంభం కావడమే తరువాయి. ఇప్పుడు అందుకు ముహూర్తం కూడా సెట్టయిపోయింది. ఈనెల 22వ తేదీ శుక్రవారం ఉదయం 9 గంటలకు హైదరాబాద్లోని అన్నపూర్ణ స్టూడియోస్లో నందమూరి బాలకృష్ణ – క్రిష్ల గౌతమి పుత్ర శాతకర్ణికి కొబ్బరికాయ్ కొట్టేస్తారు. ఈ కార్యక్రమానికి రెండు తెలుగు రాష్ట్ర్రాల నుంచీ.. వేలాది అభిమానులు తరలిరానున్నరని చిత్రబృందం ప్రకటించింది. సినీ, రాజకీయ ప్రముఖులు బాలయ్య వందో సినిమా తొలి వేడుఏకలో పాలుపంచుకోనున్నార్ట.
మే నుంచి రెగ్యులర్ షూటింగ్ మొదలు కాబోతోంది. ఈ సినిమాలో కథానాయిక పాత్ర కోసం నయనతార, కాజల్, అనుష్క పేర్లు పరిశీలనలో ఉన్నాయని సమాచారం. ఏప్రిల్ 25లోగా కథానాయిక పేరు కూడా అధికారికంగా ప్రకటిస్తామని చిత్రబృందం తెలిపింది. ఈ చిత్రానికి దేవిశ్రీ ప్రసాద్ సంగీతం అందిస్తున్నారు. 2017 సంక్రాంతికి బాలయ్య చిత్రాన్ని ప్రేక్షకుల ముందుకు తీసుకురావాలని భావిస్తున్నారు.
