కథానాయకుడు బాలకృష్ణ ఎడమ భుజానికి ఆపరేషన్ జరిగింది. గత కొంతకాలంగా ఆయన భుజం నొప్పితో బాధ పడుతున్నారు. ఈ నేపథ్యంలో హైదరాబాద్ లోని కేర్ ఆసుపత్రిలో డా.రఘువీర్ రెడ్డి ఆధ్వర్యంలో బాలకృష్ణకు శస్త్ర చికిత్స జరిగింది. ఈరోజు సాయింత్రం బాలకృష్ణ డిశ్చార్జ్ అవుతారు. ఆయనకు ఆరు వారాల పాటు విశ్రాంతి అవసరం అని వైద్యులు చెప్పారు. ఆఖండ షూటింగ్ కి ముందే బాలయ్యకు ఈ సమస్య ఉంది. అయితే షూటింగ్ కి బ్రేక్ రాకూడదని ఇంత వరకూ ఆగారు. అఖండ షూటింగ్ అవ్వగానే… ఆయనకు ఆపరేషన్ జరిగింది. మరోవైపు అన్ స్టాపబుల్ కి సంబంధించిన కొన్ని ఎపిసోడ్స్ కూడా బాలకృష్ణ పూర్తి చేశారు. దీపావళి సందర్భంగా తొలి ఎపిసోడ్ విడుదల కానుంది. బాలయ్య కోలుకున్న తరవాత…. మిగిలిన ఎపిసోడ్స్ పూర్తి చేస్తారు. ఇటీవల చిరంజీవి కూడా తన చేతికి ఆపరేషన్ చేయించుకున్న సంగతి తెలిసిందే.
బాలకృష్ణకు ఆపరేషన్.. ఆరు వారాల విశ్రాంతి
