ఆదిత్య 369కి సీక్వెల్ గా ఆదిత్య 999 తీయాలని బాలకృష్ణ ఎప్పటి నుంచో అనుకుంటున్నారు. బాలయ్య వందో సినిమాగా `ఆదిత్య 999` రావాల్సింది. దర్శకుడు సింగీతం శ్రీనివాసరావు కూడా అప్పట్లో బాలయ్యకు టచ్లో వెళ్లారు. కానీ.. అనుకోకుండా `గౌతమిపుత్ర శాతకర్ణి` పట్టాలెక్కేసింది. ఆ తరవాత బాలయ్య ఎన్టీఆర్ బయోపిక్తో బిజీగా ఉండడంతో ఆదిత్య 999 ఊసు లేకుండా పోయింది.
అయితే ఈ ప్రాజెక్టుకి మళ్లీ రెక్కలొచ్చాయి. ఈ కథ అతి త్వరలో పట్టాలెక్కబోతోంది. ఈ సినిమాకి బాలకృష్ణనే దర్శకత్వం వహించే అవకాశాలు పుష్కలంగా ఉన్నాయని తెలుస్తోంది. 2020లో ఈ ప్రాజెక్టు కార్యరూపం దాల్చవచ్చు. ఆదిత్య 369లో భూత, భవిష్యత్, వర్తమానాల్ని చూపించారు. ఈ కథ మాత్రం వర్తమానం వైపే ఉంటుందని తెలుస్తోంది. బోయపాటి శ్రీను సినిమా పూర్తయ్యాక ఈ సినిమా మొదలయ్యే ఛాన్సుంది.
