ఏపీలో అధికారమే లక్ష్యంగా చంద్రబాబు, లోకేష్ లు ప్రచారం ప్రారంభించగా..బాలకృష్ణ కూడా రాష్ట్రవ్యాప్త ప్రచారం ప్రారంభించాలని నిర్ణయం తీసుకున్నారు. స్వర్ణాంధ్ర సాకార యాత్ర పేరుతో బస్సు యాత్ర ప్రారంభించనున్నారు. బాలయ్య చేపట్టనున్న బస్సు యాత్రకు సంబంధించి బస్సును కూడా డిజైన్ చేయించారు. బాలయ్య అన్ స్టాపబుల్ అని బస్సుపై రూపొందించిన క్యాప్షన్ ఆకట్టుకుంటుంది.
శనివారం బాలయ్య బస్సుయాత్ర కదిరిలో ప్రారంభం కానుంది. విడతల వారీగా బాలయ్య రాష్ట్రవ్యాప్త బస్సు యాత్ర చేయాలని నిర్ణయం తీసుకోవడంతో మొదట అనంతపురం, కర్నూల్ జిల్లాలో ఈ యాత్ర కొనసాగనుంది. మొదటి రోజు కదిరి, పుట్టపర్తి నియోజకవర్గాల్లో బస్సు యాత్ర జరగనుంది. ఆదివారం శింగనమల నియోజకవర్గం, అనంతపురంలోని సప్తగిరి సర్కిల్ మీదుగా యాత్ర జరగనుంది.
ఇప్పటికే ప్రజా గళం పేరుతో చంద్రబాబు, నిజం గెలవాలి పేరుతో భువనేశ్వరి, శంఖారావం పేరుతో నారా లోకేష్ లు ఎన్నికల ప్రచారం చేస్తుండగా.. తాజాగా బాలయ్య స్వర్ణాంధ్ర సాకార యాత్ర చేపట్టనుండటంతో టీడీపీలో కొత్త జోష్ కనిపిస్తోంది. ఎన్నికల ప్రచారంలో నారా ఫ్యామిలీకి నందమూరి ఫ్యామిలీ సహకారం తోడైతే కూటమి గెలుపును ఆపతరమా అంటూ టీడీపీ శ్రేణులు సవాల్ చేస్తున్నాయి.
హిందూపురం నుంచి పోటీ చేస్తోన్న బాలయ్య..హ్యాట్రిక్ విజయంపై కన్నేశారు. టీడీపీ ఆవిర్భావం నుంచి సైకిల్ దే హవా. గత ఎన్నికల్లో జగన్ వేవ్ లోనూ బాలయ్య సునాయాసంగా గెలిచారు. దీంతో ఈసారి కూడా బాలయ్య గెలుపు తథ్యం అని స్థానిక టీడీపీ నేతలు అభిప్రాయపడుతున్నారు.
