నందమూరి బాలకృష్ణకు ఎందుకో… పాటలు పాడడం అంటే మహా సరదా. `మామా ఏక్ పెగ్ లా` అంటూ పైసా వసూల్ కోసం ఓ మాస్పాట పాడారు. ఆయన గాత్రపాండిత్యం వెండి తెరపై పరిమితం చేయలేదు. మేము సైతం పోగ్రాంలో.. స్టేజీపై పాట పాడి.. అభిమానుల్ని అలరించారు. అంతేనా…? ఆమధ్య శివ శంకరీ.. పాట పాడి ఆశ్చర్యపరిచారు. బాలయ్య ఫ్యాన్స్కి ఆ ప్రయత్నం నచ్చినా? చాలామంది నుంచి విమర్శలు వినిపించాయి.
అయినా బాలయ్య పాటల్ని వదలడం లేదు. రేపు ఎన్టీఆర్ జయంతి సందర్భంగా బాలయ్య నుంచి శ్రీరామ దండకం రాబోతోంది. రేపు ఉదయం సరిగ్గా 9 గంటల 45 నిమిషాలకు ఈ దండకం విడుదల చేస్తారు. ఎన్టీఆర్ జయంతి రోజున.. ఓ సర్ప్రైజ్ ఉంటుందని నిన్ననే.. ఓ ప్రకటన వచ్చింది. అదేంటా? అని అభిమానులంతా ఆసక్తిగా ఎదురు చూశారు. ఇప్పుడు ఈ విషయంలో ఓ క్లారిటీ వచ్చేసింది. మరి బాలయ్య ఈసారి.. సంగీతాభిమానుల్ని ఏరకంగా అలరిస్తాడో చూడాలి.
