నందమూరి బాలకృష్ణ – గోపీచంద్ మలినేని కాంబినేషన్లో ఓ చిత్రం రూపుదిద్దుకుంటున్న సంగతి తెలిసిందే. మైత్రీ మూవీస్ నిర్మిస్తోంది. ఈ సినిమా టైటిల్ ఏమిటన్నది ఇంకా తేలలేదు. ఈనెల 10 బాలయ్య పుట్టిన రోజు. ఈ సందర్భంగా ఓ టీజర్ విడుదల చేయబోతోంది చిత్రబృందం. ఈ టీజర్లోనే… టైటిల్ కూడా ప్రకటించే అవకాశాలు ఉన్నాయి.
ఈ చిత్రానికి `అన్నగారు`, `వీర సింహారెడ్డి` లాంటి పేర్లు పరిశీలనలో ఉన్నాయి. ఇప్పుడు `రెడ్డిగారు` కూడా చేరింది. రెడ్డిగారు టైటిల్ ని దాదాపుగా ఖాయం చేసేసినట్టు సమాచారం అందుతోంది. ఇదే టైటిల్ ని పుట్టిన రోజు సందర్భంగా ప్రకటించే అవకాశం ఉంది. శ్రుతిహాసన్ కథానాయికగా నటిస్తున్న ఈ చిత్రంతో దునియా విజయ్ ప్రతినాయకుడిగా టాలీవుడ్ కి పరిచయం కాబోతున్నాడు. తమన్ సంగీతం అందించనున్నాడు. బుర్రా సాయిమాధవ్ డైలాగ్ రైటర్.
