‘బలగం’ సినిమాతో ఆకట్టుకొంది కావ్య కల్యాణ్ రామ్. ఇప్పుడు మరో మంచి ఛాన్స్ అందుకొందని సమాచారం. సాయిధరమ్ తేజ్ హీరోగా ‘హనుమాన్’ ఫేమ్ నిరంజన్ రెడ్డి నిర్మాతగా ఓ సినిమా రూపుదిద్దుకొంటోంది. ఈ సినిమాతో రోహిత్ దర్శకుడిగా పరిచయం అవుతున్నాడు. ఇందులో కథానాయికగా కావ్యని ఎంచుకొన్నట్టు సమాచారం. కావ్యనే మెయిన్ లీడా, లేదంటే మరో పెద్ద హీరోయిన్ కూడా ఉంటుందా? అనేది తెలియాల్సివుంది. కావ్య అయితే దాదాపుగా ఖాయమైనట్టే.
ఈ చిత్రం కోసం ‘సంబరాల ఏటి గట్టు’ అనే వెరైటీ టైటిల్ ని పరిశీలిస్తున్నట్టు సమాచారం. యాక్షన్ నేపథ్యంలో సాగే థ్రిల్లర్ ఈ సినిమా. ఇప్పటికే షూటింగ్ ప్రారంభం కావాల్సివుంది. కానీ… ఆలస్యమైంది. ఈ నెలలోనే ఈ చిత్రం సెట్స్పైకి వెళ్తుందని సమాచారం. ఈ సందర్భంగా గ్లింప్స్ కోసం ప్రత్యేకంగా షూట్ కూడా చేయబోతున్నార్ట. సినిమా ఓపెనింగ్ రోజున గ్లింప్స్ విడుదల చేస్తారని, అదే రోజున టైటిల్ కూడా అధికారికంగా ప్రకటిస్తారని సమాచారం అందుతోంది. `విరూపాక్ష` తరవాత సాయిధరమ్ తేజ్ నటించే సినిమా ఇదే.
