తెలుగులో బోల్డంత స్టార్డమ్ ఉండి కూడా… సినిమాలు తక్కువ తక్కువగా చేసే కథానాయిక ఎవరో తెలుసా?? నయనతార. అనామిక తరవాత ఆమె నుంచి మరో సినిమా రాలేదు. ఇప్పుడు బాబు బంగారం రెడీ అవుతోంది. నయన కెరీర్ తెలుగులో ఇంత స్లోగా ఉండడానికి కారణం ఎవరో తెలుసా..? నయనతారే. పారితోషికం పేరుతో బెంబేలెత్తించేయడమే కాదు, కాల్షీట్లు ఇవ్వడంలోనూ నిర్మాతలకు నరకం చూపిస్తుంటుందట. బాబు బంగారం విషయంలోనూ ఇప్పుడు అదే జరుగుతోందని టాక్.
వెంకటేష్, నయనతార జంటగా నటిస్తున్న చిత్రం బాబు బంగారం. మారుతి దర్శకత్వం వహిస్తున్నాడు. నిజానికి ఈ ఏప్రిల్లోనే ఈ సినిమా విడుదల కావాల్సింది. ఇప్పుడు ఏకంగా జూన్కి వాయిదా పడింది. దానికి కారణం.. నయనతారేనట. కాల్షీట్లు ఇచ్చే విషయంలో చిత్రబృందానికి చుక్కలు చూపిస్తోందట నయన. వారం రోజుల కాల్షీట్లు కావల్సివస్తే.. ఒక రోజుతో సరిపెట్టమంటుందట. తన మూడ్ ఉన్నప్పుడే షూటింగ్కి వస్తుందని.. నయన వల్లే ఈ సినిమా ఆలస్యం అవుతోందని టాక్. నిజానికి ఈ సినిమాలో నటించడం నయనకు ఇష్టం లేదట. అంతకు ముందు ఆమె వెంకీతో ‘రాధ’ అనే ఓ సినిమా చేయాల్సింది. ఆ సినిమా తాలుకూ అడ్వాన్సులు నయన దగ్గర ఉండిపోవడం వల్ల… ‘బాబు బంగారం’తో భర్తీ చేస్తోంది నయన. ఇష్టం లేని పెళ్లికి వెళ్తే.. యవ్వారం ఇలానే ఉంటుంది. అందుకే ఇప్పుడు కాల్షీట్లు ఇవ్వక.. షూటింగ్కి రాక.. ‘బాబోయ్.. నయనని భరించలేం’ అని చిత్రబృందంతోనే అనిపిస్తోంది. అదీ మేటరు.
