దినపత్రికల సర్క్యూలేషన్‌ను నిర్ణయించే అడిట్ బ్యూరో ఆఫ్ సర్క్యూలేషన్ కీలక విషయాలను వెల్లడించింది. ఎంత అధికార దుర్వినియోగం చేస్తున్నా సాక్షి పత్రిక ఈనాడు దరి దాపుల్లోకి కూడా రావడం లేదు. తాజాగా గత డిసెంబర్ నాటికి ఏ పేపర్‌కు ఎంత సర్క్యూలేషన్ ఉందో అడిట్ బ్యూరో ఆఫ్ సర్క్యూలేషన్ అంకెలు రిలీజ్ చేసంది. ఈనాడు పత్రికకు 13 లక్షల యాభై వేలకుపైగా కాపీల సర్క్యూలేషన్ ఉంటే.. సాక్షిది పది లక్షల దగ్గర ఉంది. అంటే.. మూడున్నర లక్షలకుపైగా కాపీలు ఈనాడువి ఎక్కువ. ఈ సర్క్యూలేషన్ ఏపీ, తెలంగాణ మొత్తం కలిపి.

అదే ఏపీ ఒక్క రాష్ట్రం తీసుకుంటే ఈనాడు సర్క్యూలేషన్ 7 లక్షల 55 వేలు కాగా .. సాక్షి పత్రిక సర్క్యూలేషన్ 5 లక్షల 85వేలు. నిజానికి ఈ ఐదు లక్షల సర్క్యూలేషన్లో ప్రజాధనంతోనే మూడు లక్షలకుపైగా కాపీలను కొంటున్నారు. రెండున్నర లక్షల మంది వాలంటీర్లకు రూ. రెండు వందలు ఇచ్చి మరీపేపర్ కొనిపిస్తున్నారు. అలాగే ఒక్కో గ్రామ, వార్డు సచివాలయంలో రెండేసి పేపర్లు వేస్తున్నారు. ఇక ప్రభుత్వ ఉద్యోగుల్ని బెదిరించి పేపర్లు కొనిపిస్తున్నారు. యూనివర్శిటీలు సహా ఇతర చోట్ల.. బలవంతంగా పేపర్ అంట కడుతున్నారు. ఇంత చేస్తున్నా ఆ పత్రిక సర్క్యూలేషన్ … ఏపీలో ఆరు లక్షలు కూడా లేదంటే.. డబ్బులు పెట్టే కొనే నిఖార్సైన పాఠకులు సాక్షి పత్రికకు పూర్తిగా అడుగంటి పోయారని స్పష్టమవుతోంది.

ఖచ్చితంగా సాక్షికి రెండు లక్షలు మాత్రమే సర్క్యులేషన్ ఉంటుందని… దారుణంగా పడిపోయింది కాబట్టే.. ప్రజాధనంతో కొనిపిస్తున్నారన్న ఆరోపణలు వస్తున్నాయి. ఇలా వాలంటీర్లతో పత్రికను కొనిపించడంపై ఈనాడు సుప్రీంకోర్టులో కేసు వేసింది. విచారణ జరగాల్సి ఉంది. మరో వైపు ఇంత చేసినాసాక్షి పేపర్ మెరుగుపడకపోవడంతో ప్రభుత్వం మారితే కప్పకూలిపోతుందన్న అనుమానాలు ప్రారంభమయ్యాయి. అసలు సర్క్యూలేషన్ లేకపోయినా వందల కోట్ల ప్రజాధనం .. ఆ పత్రికకు కట్టబెడుతున్నారు. మొత్తంగా ఈనాడు … కరోనా అనంతర పరిస్థితుల్ని తట్టుకుని నిలబడుతోంది కానీ.. సాక్షి పునాదులు కదిలిపోయాయని… అప్పనంగా దొరకిన అధికారంతో ప్రజాసొమ్ముతో నిలబెడుతున్నారని అంచనాకు వస్తున్నారు.