ఆంధ్రప్రదేశ్లో ఎన్నికల ఘంటారావం మోగబోతోంది. అందుకు తగ్గట్టుగానే పార్టీలన్నీ ప్రచార అస్త్రాలు సిద్ధం చేసుకుంటున్నాయి. చిత్రసీమలో టీడీపీకి గట్టి మద్దతే ఉంది. అశ్వనీదత్, కె.రాఘవేంద్రరావులు ఆ పార్టీ ప్రచారంలో కీలక పాత్ర పోషిస్తుంటారు. ఈసారీ అదే జరుగుతోంది. మరీ ముఖ్యంగా టీడీపీకి సంబంధించి ప్రకటనలు తయారు చేయడంలో అశ్వనీదత్ బిజీ బిజీగా ఉన్నట్టు టాక్. ఆయన ఆధ్వర్యంలో పాటలు, కొన్ని యాడ్లూ రూపొందిస్తున్నారు. సుద్దాల అశోక్ తేజ, రామజోగయ్య శాస్త్రిలాంటి గీత రచయితలు కొన్ని పాటలు సిద్ధం చేశారు. వాటికి కీరవాణి, మణిశర్మ, మిక్కీ జే మేయర్ స్వరపరుస్తున్నారు.
టాలీవుడ్లోని అగ్ర దర్శకులైన కొరటాల శివ, బోయపాటి శ్రీను లాంటి దర్శకులు కొన్ని యాడ్లు డిజైన్ చేయడంలో బిజీగా ఉన్నట్టు టాక్. అవసరాల శ్రీనివాస్, రవిబాబు, తరుణ్ భాస్కర్, అవసరాల శ్రీనివాస్లాంటి దర్శకులు కూడా ఇదే పనిలో ఉన్నార్ట. పాటలు, యాడ్ల రూపంలో ఆయా దర్శకుల స్థాయిని బట్టి భారీ పారితోషికాలే అందబోతున్నట్టు సమాచారం.
