వైఎస్ జగన్మోహన్ రెడ్డి… సచివాలయంలో.. మొదటి సారిగా.. సీఎంగా ప్రమాణస్వీకారం చేసిన తర్వాత చేసిన మూడు సంతకాల్లో మొదటిది.. ఆశావర్కర్లకు జీతం రూ. పదివేలు చేయడం. దీనిపై జాతీయ మీడియాలోనూ విస్తృతమైన కవరేజీ లభించింది. సేవ చేస్తున్న వారికి జగన్మోహన్ రెడ్డి సముచితమైన గౌరవం ఇచ్చారని.. ప్రశంసించారు. కానీ మూడు నెలలు తిరిగే సరికి… అదే ఆశావర్కర్లు.. రోడ్డెక్కారు. వారు డిమాండ్ ఒక్కటే.. తమకు.. జగన్ మోహన్ రెడ్డి ఇస్తామని చెప్పి.. జీవో విడుదల చేసిన రూ. పదివేల జీతం ఇవ్వాల్సిందేనని. అదేంటి… సీఎం మొదటి సంతకం పెట్టినా.. ఎందుకివ్వడం లేదనేది.. చాలా మందికి అర్థం కాని విషయం.
జగన్మోహన్ రెడ్డి జూన్ ఎనిమిదో తేదీన ఆశావర్కర్ల జీతాలు పెంపుపై సంతకం పెట్టారు. అయితే దానికి సంబంధించిన జీవో రెండు నెలల తర్వాత ఆగస్టు ఏడో తేదీన జీవో విడుదల చేశారు. పెంచిన జీతాలు.. ఆగస్టు ఒకటో తేదీ నుంచి అమల్లోకి వస్తాయని ప్రకటించారు. జగన్మోహన్ రెడ్డి చెప్పినట్లుగా.. పెంచిన జీతం వస్తుందేమో అనుకున్నారు. కానీ రాలేదు. కానీ ఆ పదివేలు సంతకానికేనని.. అసలు రాదని తేలిపోయింది. పైగా… ఓ కొత్త గ్రేడింగ్ విధానాన్ని ప్రవేశపెట్టారు. దాని ప్రకారం.. ఆశా వర్కర్లలో.. కనీసం సగం మందిని మూడు నెలల్లో తీసేయబోతున్నారు.
జగన్మోహన్ రెడ్డి సర్కార్ జారీ చేసిన జీవో ప్రకారం.. ఆశావర్కర్ల పనితీరును.. కనీసం పది మంది అసెస్మెంట్ చేస్తారు. అందరూ మంచి గ్రేడ్లు ఇవ్వాలి. ఆ గ్రేడ్ ప్రకారం వస్తేనే రూ. పదివేల జీతం వస్తుంది. కానీ… ఆ గ్రేడ్ రావడం.. అనేది సాధ్యం కాదు. కానీ.. గ్రేడ్ సిస్టం వల్ల ఆశావర్కర్లు మూడు నెలలపాటు రూ. 3,500 వస్తే ఉద్యోగం ఆటోమేటిక్గా పోతుంది. దీంతో ఆశావర్కర్లు హతాశులయ్యారు. ఉన్నది పోయింది.. ఉంచుకున్నదీ పోయిందన్న చందంగా.. పాత జీతాలు ఇవ్వలేదని, కొత్త జీతాలు కూడా అమలు చేసే పరిస్థతిలేదని ఆందోళనతో వారంతా రోడ్డెక్కారు. కానీ ప్రభుత్వం మాత్రం వారిని పోలీసులతో లాగించి పడేసింది.
