బాహుబలి తర్వాత కొత్త సినిమా సైన్ చేయలేదు అనుష్క. ఈ సినిమా తర్వాత ఆమె దగ్గరకు చాలా ఆఫర్లు వెళ్ళాయి. కానీ స్వీటీ మాత్రం లైట్ తీసుకుంది. ఆ మధ్య నాగార్జున, వర్మ సినిమాలో అనుష్కనే హీరోయిన్ అని వార్తలు వచ్చాయి. అయితే ఇవి గాసిప్స్ గానే మిగిలిపోయాయి. ఇప్పుడు అనుష్క చేతిలో ఒకే సినిమా వుంది. అదే భాగమతి. ఈ సినిమా కూడా బాహుబలి టైంలో ఒప్పుకున్నదే. ఈ నెల 26న ప్రేక్షకుల ముందుకు వస్తుంది.
అయితే ఎట్టకేలకు కొత్త సినిమా కబురు చెప్పింది అనుష్క. గౌతమ్ మీనన్ దర్శకత్వంలో ఓ సినిమా చేయబోతుంది అనుష్క. ఈ విషయాన్ని స్వయంగా వెల్లడించింది. భాగమతి తమిళ ఆడియో వేడుక జరుగింది. ఈ సందర్భంగా అక్కడి మీడియాతో మాట్లాడిన అనుష్క.. కొత్త సినిమాని ఖారారు చేసింది. ”బాహుబలి’ తరువాత వరుసగా సినిమాలు చేయలేకపోయాను. కొద్ది రోజులు విశ్రాంతి తీసుకుకోవాలనిపించింది. త్వరలో గౌతమ్ మేనన్తో కలిసి ఓ సినిమా చేయబోతున్నాను. త్వరలోనే దీనిపై ప్రకటన చేస్తారు” అని చెప్పుకొచ్చింది స్వీటీ.
