సావిత్రి జీవిత కథ మహానటి పేరుతో రూపొందుతోంది. ఇప్పటికే కీర్తి సురేష్, సమంత, దుల్కర్ సల్మాన్, మోహన్ బాబు, క్రిష్, అవసరాల శ్రీనివాస్… ఇలా తెరపై కనిపించే స్టార్స్ చాలామందే ఉన్నారు. ఇప్పుడు మరింత మంది ఈ టీమ్లో చేరబోతున్నారు. తాజాగా అనుష్కకీ ఇందులో ఓ పాత్ర దక్కిందని సమాచారం. అలనాటి మేటి నటి, గాయకురాలు… భానుమతి కూడా ‘సావిత్రి’ జీవిత కథలో ఓ కీలక పాత్ర పోషించింది. ఇప్పుడామె పాత్రని అనుష్క పోషించబోతున్నట్టు సమాచారం. భానుమతిది పవర్ ఫుల్ క్యారెక్టరైజేషన్. ఆమె తెరపై కనిపించేది ఒకట్రెండు సన్నివేశాలే. కాకపోతే ఆయా సన్నివేశాలు చాలా కీలకమని, అందులో అనుష్క నటన ఎప్పటికీ గుర్తుండిపోయేలా ఉంటుందని చెబుతున్నారు. ఏఎన్నార్ పాత్ర కోసం నాగచైతన్య ఓకే చెప్పినట్టు సమాచారం. ఎన్టీఆర్ పాత్ర కోసం సూర్య పేరు పరిశీలిస్తున్నారు. వీళ్లంతా తెరపై కనిపిస్తే… టాలీవుడ్లోనే `మహానటి` బిగ్గెస్ట్ మల్టీస్టారర్ అవుతుంది.
తెలుగు 360 ఎక్స్ క్లూజీవ్: ‘భానుమతి’గా మారుతున్న ‘భాగమతి’
