కింగ్ నాగార్జున, కార్తి కలిసి చేసిన మల్టీస్టారర్ మూవీ ఊపిరి మార్చ్ 25న రిలీజ్ అవ్వబోతుంది. తమన్నా లీడ్ హీరోయిన్ గా చేస్తున్న ఈ సినిమాలో మరో ఇద్దరు భామలు స్పెషల్ అప్పియరెన్స్ గా కనిపించనున్నారని టాక్. సినిమా ప్రమోషన్స్ లో భాగంగా చిత్రయూనిట్ ఈ విషయాన్ని వెళ్లడించింది. ఇంతకీ ఆ స్పెషల్ రోల్స్ చేసేది ఎవరో కాదు ఒకరు స్వీటీ అనుష్క కాగా మరొకరు శ్రీయ శరణ్.
కింగ్ నాగార్జున చేసిన సినిమాల్లో ఏదో ఒక రోల్ లో కనిపించి అలరించే అనుష్క ఈ సినిమాలో కూడా అలా మెరవనున్నదట. ఇక శ్రీయా కూడా ఊపిరిలో ఓ చిన్న పాత్రలో కనిపించనున్నదని తెలుస్తుంది. ఇప్పటికే సినిమా మీద భారీ అంచనాలతో ఉన్న అభిమానులు ఇప్పుడు అనుష్క, శ్రీయా కూడా సినిమాలో భాగమయ్యారని తెలిసి ఇంకా రెట్టింపు ఉత్సాహంతో సినిమా చూసేందుకు సిద్దమై ఉన్నారు.
ప్రమోషన్స్ జోరుగా నడుస్తున్న ఈ సినిమా హిట్ అంటూ ఇప్పటికే నాగ్ తన నమ్మకాన్ని బలంగా చెప్పారు. వంశీ పైడిపల్లి డైరెక్ట్ చేసిన ఈ సినిమా తెలుగు తమిళ భాషల్లో ఒకేసారి రిలీజ్ అవుతుంది.
