చందూ మొండేటి దర్శకుడిగా పరిచయం అయిన చిత్రం కార్తికేయ. ఈ సినిమా మంచి విజయం సాధించింది. నిఖిల్ కెరీర్కి బాసటగా నిలిచింది. ఇప్పుడు ఈ కాంబోలోనే కార్తికేయ 2 రూపుదిద్దుకుంటోంది. అనుపమ పరమేశ్వరన్ని కథానాయికగా ఎంచుకున్నారు. ఇప్పుడు ఈ టీమ్లో కీలకమైన మార్పు జరిగిందని సమాచారం. ఈ చిత్రం నుంచి అనుపమ బయటకు వెళ్లిపోయినట్టు గుసగుసలు వినిపిస్తున్నాయి. కథానాయికగా తన పాత్రకి అంత ప్రాధాన్యత లేదని అనుపమ అలిగిందట. అందుకే.. ఈ సినిమా చేయకూడదని నిర్ణయించుకుందని టాక్. కార్తికేయలోనూ ఇంతే. కథానాయిక స్వాతి పాత్రకు అంత స్కోప్ లేదు. అందుకే ఆ సినిమా హిట్లో ఎక్కువ వాటా దర్శకుడు, హీరో పంచుకున్నారు. స్వాతికి ఏమాత్రం క్రెడిట్ దక్కలేదు. అనుపమ కాదనడంతో… ఆ రేంజు హీరోయిన్ కోసం ప్రస్తుతం అన్వేషణ మొదలెట్టారు.
కార్తికేయ 2 నుంచి అనుపమ ఔట్?
