‘హ‌నుమాన్‌’ త‌ర‌వాత తేజా స‌జ్జా నుంచి వ‌స్తున్న సినిమా ‘మిరాయ్‌’. కార్తీక్ ఘ‌ట్ట‌మ‌నేని ద‌ర్శ‌క‌త్వంలో పీపుల్ మీడియా ఫ్యాక్ట‌రీ సంస్థ ఈ చిత్రాన్ని నిర్మిస్తోంది. ఇటీవ‌లే టీజ‌ర్ విడుద‌ల చేశారు. టీజ‌ర్‌లోని షాట్స్, ఆ విజువ‌ల్స్. ‘మిరాయ్‌’ వ‌ర‌ల్డ్ అంద‌రినీ ఆశ్చ‌ర్య‌ప‌రిచాయి. ‘హ‌నుమాన్‌’ త‌ర‌వాత తేజాకు ఇది ప‌ర్‌ఫెక్ట్ సినిమా అని అంద‌రూ అనుకొంటున్నారు. ఈ నేప‌థ్యంలో.. ‘మిరాయ్‌’ నుంచి మ‌రో స‌ర్‌ప్రైజ్ రాబోతోంది. ఈ చిత్రంలో మంచు మ‌నోజ్ ఓ కీల‌క పాత్ర పోషించాడు. ఆ పాత్ర‌ని సంబంధించిన గ్లింప్స్ ఈనెల 20న విడుద‌ల చేయ‌బోతున్నారు.

‘మిరాయ్‌’ టీజ‌ర్లో కూడా మ‌నోజ్ పాత్ర‌ని చూపించీ, చూపించ‌న‌ట్టు మ్యాజిక్ చేశాడు కార్తీక్. ఈసారి పూర్తి స్థాయిలో ఆ పాత్ర‌ని ప‌రిచ‌యం చేస్తారు. ఇందులో మ‌నోజ్ ప్ర‌తినాయ‌కుడిగా క‌నిపించ‌నున్నాడ‌ని స‌మాచారం. అన్న‌ట్టు… ఈ చిత్రంలో దుల్క‌ర్ స‌ల్మాన్ సైతం ఓ కీల‌క పాత్ర పోషించ‌నున్నాడు. ఆ పాత్ర‌ని కూడా స‌ర్‌ప్రైజింగ్ గా రివీల్ చేద్దామ‌ని చిత్ర‌బృందం భావిస్తోంది. దాదాపు రూ.70 కోట్ల‌తో రూపొందుతున్న చిత్ర‌మిది. అన్ని భార‌తీయ భాష‌ల‌తో పాటు, విదేశీ భాష‌ల్లోనూ ఈ చిత్రాన్ని విడుద‌ల చేయ‌బోతున్నారు. ‘హ‌నుమాన్‌’ దాదాపు రూ.200 కోట్లు సాధించిన నేప‌థ్యంలో ‘మిరాయ్‌’కి రూ.70 కోట్లు ఖ‌ర్చు పెట్ట‌డం పెద్ద వింతేం కాదు.