జబర్దస్త్ యంకర్ రష్మి రాజీవ్ కనకాల పై దాడి చేసింది. తన పదునైన గోర్లతో రాజీవ్ బుగ్గ రక్కేసింది. దాంతో రాజీవ్ మొహం కందిపోయింది. ఆ ఫొటోని రాజీవ్ ఫేస్ బుక్లో పోస్ట్ చేశారుకూడా. ఏమిటి రష్మి ఇదంతా.. మీరైనా అడగండి.. అంటూ ఫేస్బుక్లో అభిమానుల్ని అడిగాడు రాజీవ్. ఇదంతా పెద్ద సీరియస్ ఇష్యూ ఏం కాదులెండి. రాజీవ్, రష్మి ఇద్దరూ కలసి చారుశీల అనే సినిమాలో నటించారు. అందులో ఓ సన్నివేశం కోసం రష్మి తన గోర్లతో ఇలా బరికేసింది.. అది మేటరు.
ఇది వరకు సినిమాలతో బిజీగా ఉండే రాజీవ్… ఈమధ్య పెద్దగా కనిపించడం లేదు. నాన్నకు ప్రేమతో సినిమాలో ఎన్టీఆర్ కి అన్నగా కనిపించిన దగ్గర్నుంచి ఆయనకు ఆఫర్లు వస్తున్నాయి. తాజాగా చారుశీలలో ఓ కీలక పాత్ర పోషించారాయన. ఆ సినిమాని ఎలాగోలా ప్రమోట్ చేసుకోవాలి కదా?? అందుకే ఇలాంటి ఫొటోలు పెట్టి పబ్లిసిటీ తెచ్చుకొంటున్నారు. అదీ మేటర్.
