అల్లు అర్జున్ – సుకుమార్ కాంబినేషన్ లో రూపుదిద్దుకుంటున్న చిత్రం `పుష్ఫ`. రష్మిక కథానాయిక. ఇందులో అనసూయ కూడా ఉందని ముందు నుంచీ ప్రచారం జరుగుతూ వుంది. `రంగస్థలం`లో రంగమ్మత్తగా.. అనసూయ గుర్తుండిపోయే పాత్ర పోషించింది. ఆసినిమా అనసూయకి పెద్ద ప్లస్. ఆ సెంటిమెంట్ తోనే `పుష్ష`లోనూ అనసూయకు సుకుమార్ ఛాన్సిచ్చాడని చెప్పుకున్నారు. ఇందులోనూ అనసూయ హాట్ హాట్ పాత్రలో కనిపిస్తుందని అన్నారు.
అయితే వీటిపై అనసూయ స్పందించింది. `పుష్ష`లో తాను లేనని క్లారిటీ ఇచ్చేసింది. ”ఇంత వరకూ అయితే.. అలాంటి ప్రతిపాదన ఏమీ నా దగ్గరకు రాలేదు. నిజంగానే వస్తే.. తప్పకుండా చేస్తా. ఆ విషయం మీడియాకి కూడా నేనే చెబుతా” అని చెప్పేసింది. తనకు మిగిలిన భాషల్లోంచి కూడా మంచి అవకాశాలు వస్తున్నాయని, బాలీవుడ్ దర్శక నిర్మాతలు కూడా తనని సంప్రదిస్తున్నారని, అయితే తన తొలి ప్రాధాన్యం మాత్రం టీవీకే అని, మంచి అవకాశాలు వచ్చినప్పుడే సినిమాల్లో కనిపిస్తానని చెప్పుకొచ్చింది.
