ఆమధ్య అనీషా ఆంబ్రోస్ పేరు తెగ వినిపించేది. సర్దార్ గబ్బర్ సింగ్ సినిమా కోసంకథానాయికగా అనీషాకి ఎంచుకొన్నారని తెలియగానే అందరూ ఆశ్చర్యపోయారు. అంతకు ముందు గోపాల గోపాల లో ఓ చిన్న పాత్రలో చేసింది అనీషా. ఏమాత్రం పాపులారిటీ లేకుండా.. గ్లామర్ అంతంత మాత్రమే ఉన్న ఈ భామ పవన్కి ఎలా నచ్చిందా? అని షాక్ తిన్నవాళ్లే ఎక్కువ. అయితే అనీషా దురదృష్టమో, పవన్ ఫ్యాన్స్ అదృష్టమో తెలీదు గానీ… ఆమె స్థానంలోకి కాజల్ వచ్చి చేరింది. ఆ సినిమా ఫ్లాప్ అవ్వడం వేరే సంగతి. అయితే అనీషా ఆంబ్రోస్ అనే కథానాయిక ఉంది.. అనే సంగతి టాలీవుడ్కి తెలిసొచ్చింది.
సర్దార్ గబ్బర్ సింగ్లో అవకాశం వచ్చినట్టే వచ్చి చేజారినందుకు బాధగా ఉందా? అని అడిగితే ”పవన్ పక్కన సినిమా ఛాన్స్ మిస్సయితే బాధ ఉంటుంది. కానీ… నేను అదృష్టవంతురాలినే. పవన్తో సినిమా అనగానే నాకు ఎక్కడ లేని పాపులారిటీ వచ్చింది. అనీషా అంటే ఎవరో తెలుసుకొందామన్న కుతూహలం కలిగింది. ఆ పాపులారిటీని నేనూ ఎంజాయ్ చేశాను. నాకిప్పుడు కాస్తో కూస్తో పబ్లిసిటీ ఉందంటే కారణం.. సర్దార్ గబ్బర్ సింగే.. ఆ సినిమా నాకు మేలే చేసింది” అంటూ పవన్పై తనకున్న అభిమానాన్ని మరోసారి బయటపెట్టేసింది అనీషా.
