ప్రేమఖైదీ అనే డబ్బింగ్ సినిమాతో తెలుగు ప్రేక్షకులను అలరించిన అమలా పాల్ ఆ తర్వాత తెలుగులో నాయక్, ఇద్దరమ్మాయిలతో సినిమాల్లో హీరోయిన్ గా చేసి తెలుగు ప్రేక్షకుల హృదయాలను కూడా కొల్లగొట్టింది. చేసింది రెండు మూడు సినిమాలే అయినా తెలుగులో కూడా మంచి పాపులారిటీని సంపాధించింది అమలా పాల్. వన్ ఇయర్ బ్యాక్ తమిళ దర్శకుడు విజయ్ ని ప్రేమించి పెళ్లి చేసుకున్న అమలా ఇక సినిమాలకు గుడ్ బై చెప్పేస్తుందని అనుకున్నారంతా.. అయితే అందరికి షాక్ ఇస్తూ సినిమాల్లో కంటిన్యూ చేసేందుకు సిద్ధమైంది ఈ భామ.
ప్రస్తుతం తమిళ్లో ఓ సినిమా నిర్మిస్తున్న అమలా పాల్ తెలుగులో మంచి విష్ణు హీరోగా చేస్తున్న సినిమాలో ఓ స్పెషల్ రోల్ చేస్తుందట. అడ్డా సినిమా దర్శకుడు కార్తిక్ రెడ్డి డైరెక్ట్ చేస్తున్న విష్ణు ‘సరదా’ సినిమాలో సోనారికా బడోరియా హీరోయిన్ గా చేస్తుండగా సినిమాలో స్పెషల్ రోల్ కోసం అమలాని అడుగగా ఓకే చెప్పిందట. ప్రస్తుతం షూటింగ్ జరుపుకుంటున్న ఈ సినిమాతో త్వరలో జాయిన్ అవ్వబోతుంది అమాలా పాల్.
పెళ్లి తర్వాత అమాలా పాల్ తెలుగులో నటిస్తున్న మొదటి సినిమా ఇదే కావడం విశేషం. లవ్ అండ్ యాక్షన్ ఎంటర్టైనర్ గా తెరకెక్కుతున్న ఈ సినిమా 24 ఫ్రేమ్స్ సమర్పణలో మంచు విష్ణు నిర్మిస్తున్నాడు. మరి రీ ఎంట్రీ ఇస్తున్న మలయాళ బ్యూటీకి ఆడియెన్స్ ఎలాంటి రిజల్ట్ ఇస్తారో చూడాలి.
