తనుష్

అల్లు శిరీష్ ఇప్పటి వరకు రెండు సినిమాలలో నటించినా తనకంటూ ఒక ప్రత్యేక ఇమేజ్ ని ఏమాత్రం ఏర్పరుచుకో లేకపోయాడు. కేవలం అల్లు కుటంబ నేపధ్యంతోనే అల్లు శిరీష్ సెలెబ్రెటీగా కొనసాగుతున్నాడు. ప్రస్థుతం టాలీవుడ్ కు గోల్డెన్ లెగ్ హీరోయిన్ గా మారిన లావణ్యా త్రిపాఠి అదృష్టాన్ని నమ్ముకుని ‘శ్రీరస్తు శుభమస్తు’ అంటూ మరొకసారి హీరోగా నిలబడటానికి తన వంతు ప్రయత్నం చేస్తున్నాడు.

త్వరలో విడుదల కాబోతున్న ఈసినిమాను ప్రమోట్ చేస్తూ అల్లు శిరీష్ లావణ్యా త్రిపాఠి పై రొమాంటిక్ కామెంట్స్ చేసాడు. ఈసినిమాలో లావణ్య లుక్ ను చూస్తే ‘ఎవరికైనా ముద్దు పెట్టుకోవాలని అనిపిస్తుంది. అంతేకాదు ఈమె లుక్ చాల సెక్సీ గా కనిపిస్తుంది’ అంటూ లావణ్య పై కామెంట్స్ చేసాడు శిరీష్. అంతేకాదు ఈసినిమా తరువాత ఆమెకు టాలీవుడ్ లో విపరీతమైన క్రేజ్ పెరిగి అభిమానులు కూడ పెరిగిపోతారు అంటూ ఈ అల్లువారి అబ్బాయి జోష్యం చెపుతున్నాడు.

ఈ సినిమాలోని తన లుక్ కోసం శిరీష్ ముంబాయిలో కాస్మో సర్జరీ చేయించుకున్నాడు అని ఇప్పటికే వార్తలు వచ్చిన నేపధ్యంలో ఈ సినిమాలో శిరీష్ లుక్ అందర్నీ ఆకర్షిస్తోంది. తన సొంత నిర్మాణ సంస్థ గీత ఆర్ట్స్ పై ఈసినిమాను తన తండ్రి అల్లు అరవింద్ చేత నిర్మింప చేసిన శిరీష్ తనకు ఈసినిమా తనకు ఒక టర్నింగ్ పాయింట్ ఇచ్చి యంగ్ హీరోల రేసులో తనకు కూడ స్థానం ఇస్తుంది అని ఆశ పడుతున్నాడు. మరి లావణ్య గ్లామర్ శిరీష్ కు ఎంత సక్సస్ ను ఇస్తుందో చూడాలి..