డిసెంబ‌రు 5 ద‌గ్గ‌ర ప‌డుతున్న కొద్దీ…. ‘పుష్ప 2’ ఫీవ‌ర్ రెట్టింపు అవుతోంది. ఎక్క‌డ చూసినా పుష్ప ముచ్చ‌ట్లే. పుష్ప ట్రైల‌ర్ విడుద‌ల అయ్యింది. పాట‌లూ వ‌స్తున్నారు. ఐటెమ్ పాట ఊపేస్తోంది. ఈలోగా సినిమా సెన్సార్ కూడా పూర్తి చేసుకొంది. రెండు, మూడు బీప్స్ తో సెన్సార్ బోర్డు ఈ చిత్రానికి U/A స‌ర్టిఫికెట్ జారీ చేసింది. సినిమా నిడివి 3 గంట‌ల 20 నిమిషాలు. లెంగ్త్ ప‌రంగా ఎక్కువ‌గా ఉన్న‌ప్ప‌టికీ… సినిమా ఎక్క‌డా బోర్ కొట్ట‌లేద‌ని, ముఖ్యంగా జాత‌ర ఎపిసోడ్ ఈ సినిమా మొత్తానికి హైలెట్ గా నిల‌వ‌బోతోందని సెన్సార్ రిపోర్ట్స్ చెబుతున్నాయి.

‘పుష్ప‌2’ లో జాత‌ర ఎపిసోడ్ హైలెట్ అవ్వ‌బోతోంద‌ని చిత్ర‌బృందం కూడా ముందు నుంచీ గ‌ట్టిగా చెబుతోంది. 25 నిమిషాల ఈ ఎపిసోడ్… సినిమాకు మూలం. అయితే… ఇందులో ఇలాంటి ఎపిసోడ్స్ కు కొద‌వ లేద‌ని తెలుస్తోంది. రెండున్న‌ర నిమిషాల నిడివి గ‌ల ఓ సీన్‌ని సింగిల్ షాట్ లో ఫ్రేమ్ చేశాడ‌ట సుకుమార్‌. ఆ సీన్ మ‌రో హైలెట్ అవుతుంద‌ని ఇన్ సైడ్ వ‌ర్గాలు చెబుతున్నాయి. ఈ సీన్‌లో యాక్ష‌న్‌, ఎమోష‌న్‌, స్టైల్… ఇవ‌న్నీ బాగా మిక్స్ చేసి, బ‌న్నీ క్యారెక్ట‌రైజేషన్‌ని నెక్ట్స్ లెవ‌ల్ కి తీసుకెళ్లాడ‌ట సుకుమార్‌. ఈ సీన్‌తో థియేట‌ర్లో పూన‌కాలు రావ‌డం ఖాయ‌మ‌ని టాక్‌. భార్యాభ‌ర్త‌ల ఎమోష‌న్ ని కూడా సుక్కు బాగా తీర్చిదిద్దాడ‌ట‌. ఈ సీన్లు… ఫ్యామిలీ ఆడియ‌న్స్ కి న‌చ్చేలా ఉంటాయ‌ని తెలుస్తోంది. అంతేకాదు.. క్లైమాక్స్ ఫైట్ మ‌రో హైలెట్ అవ్వ‌బోతోంద‌ట‌. ఈ రిపోర్ట్ బ‌ట్టి చూస్తే, ‘పుష్ప 2’ అంచ‌నాల్ని అందుకోవ‌డం ఖాయంగా క‌నిపిస్తోంది.