మెగా హీరోలు.. తమ హీరోయిన్లను మార్చుకోవడం కామనే. రామ్చరణ్తో పనిచేసినవాళ్లంతా ఆల్మోస్ట్.. బన్నీతోనూ జత కట్టారు. ఇప్పుడు మరోసారీ అదే జరగబోతోంది. త్వరలోనే అల్లు అర్జున్ – అమీజాక్సన్ల జోడీని తెరపై చూడబోతున్నామని టాలీవుడ్ టాక్. ఎవడు సినిమాలో చరణ్, అమీ జంటగా నటించిన సంగతి తెలిసిందే. ఇప్పుడు అమీకి బన్నీతో ఓ సినిమా చేసే ఛాన్స్ దక్కింది. ప్రస్తుతం సరైనోడు ప్రమోషన్లలో బిజీగా ఉన్నాడు అల్లు అర్జున్. ఈ సినిమా ఈనెల 22న విడుదల అవుతోంది. ఆ తరవాత.. విక్రమ్ కె.కుమార్ దర్శకత్వంలో ఓ సినిమా పట్టాలెక్కుతోంది.
ఈ చిత్రంలో కథానాయికగా అమీజాక్సన్ని ఎంచుకొన్నారట.
ఎవడు తరవాత.. తెలుగులో నటించలేదు అమీ. తమిళంలో మాత్రం కాస్త బిజీగా ఉందనే చెప్పాలి. విజయ్ సినిమా `పోలీసోడు`లో అమీ ఓ కథానాయికగా నటించింది. రోబో 2లోనూ అమీనే హీరోయిన్. ఇప్పుడు తెలుగులో ఆఫర్ని అందుకొంది. తెలుగులో అవకాశాల కోసం ఎదురుచూస్తున్న అమీకి.. ఇది గోల్డెన్ ఛాన్సే అని చెప్పాలి. మరి ఈ అవకాశాన్ని తను ఎంత వరకూ నిలబెట్టుకొంటుందో చూడాలి.
