దువ్వాడ జగన్నాథమ్ అనగానే ఓ ట్రేడ్ మార్క్ లుక్ మదిలో మెదలడం ఖాయం. తెల్ల చొక్కా, పంచె… నుదుటన నామాలు.. ట్రెడీషనల్ బ్రాహ్మణ యువకుడిగా బన్నీ అవతారం కళ్ల ముందు కదులుతుంది. అయితే… డీజేలో బన్నీ మరో లుక్లోనూ కనిపించబోతున్నాడు. దాన్నిప్పుడు రివీల్ చేసింది చిత్రబృందం. ఈసారి సూటూ, బూటుతో స్టైలీష్గా కనిపిస్తున్నాడు బన్నీ. దుస్తుల్లో స్టైల్ ఉన్నా లుక్, కూర్చున్న విధానం మాత్రం మాసీగా ఉంది. అంతేకాదు.. విలన్కేదో సీరియస్ వార్నింగ్ ఇస్తున్న పోజులా ఉంది ఇది. దువ్వాడ జగన్నాథమ్ ట్రైలర్ ఈరోజు రాత్రి 7 గం. 30 నిమిషాలకు విడుదల చేయబోతోంది చిత్రబృందం. ఈమధ్య డీజే పాటపై బ్రాహ్మణ సంఘాలు పెద్ద ఎత్తున నిరసన వ్యక్తం చేసిన సంగతి తెలిసిందే. అందుకే ట్రైలర్లో ఎవరి మనోభావాలు దెబ్బతినకుండా దిల్రాజు అండ్ కో జాగ్రత్తలు తీసుకొన్నట్టు తెలుస్తోంది. ట్రైలర్ లో డీజేని వీలైనంత మాసీగా చూపించడానికి ట్రై చేశాడట హరీష్ శంకర్. పంచ్లు బాగా పడ్డాయని, ఈ సినిమాపై అంచనాల్ని పదింతలు పెంచేలా ట్రైలర్ ఉండబోతోందన్నది ఇన్సైడ్ వర్గాల టాక్.
స్టైలిష్ లుక్.. అదిరింది బన్నీ…!
