మెగా కుటుంబానికీ పాలకొల్లుకీ మంచి అనుబంధం ఉంది. అల్లు రామలింగయ్య సొంత ఊరు అది. ఆ పక్కనే చిరు పుట్టినూరు మొగల్తూరు కూడా ఉంది. మెగా ఫ్యామిలీ అప్పుడప్పుడూ పాలకొల్లు, మొగల్తూరు వెళ్తొస్తుంటుంది. ఈసారి అల్లు అర్జున్ తన సంక్రాంతి పండగ పాలకొల్లులోనే చేసుకోబోతున్నాడు. బన్నీ మేనమామలు, బాబాయ్లూ పాలకొల్లులోనే స్థిరపడ్డారు. అందుకే బన్నీ ఈసారి అక్కడే పండగ చేసుకోవాలని డిసైడ్ అయ్యాడట. సాధారణంగా బన్నీ పండగలన్నీ అత్తింట్లోనే జరుపుకుంటుంటాడు. ఈసారి వెరైటీగా పుట్టిన ఊరు వెళ్తున్నాడన్నమాట. పాలకొల్లు, భీమవరం చుట్టు పక్కల ఊళ్లలో కోడి పందాలకు భలే ఫ్యామస్. సంక్రాంతి సీజన్ మొదలవ్వగానే కోడి పందాలు చూడ్డానికి… సుదూర ప్రాంతాల నుంచి భీమమరం వెళ్తుంటారు. ఈసారి బన్నీ అక్కడే ఉంటాడు కదా. సరదాగా అటువైపు కూడా ఓ లుక్కు వేస్తాడేమో చూడాలి. తిరిగొచ్చాక.. త్రివిక్రమ్ సినిమాతో బిజీ అవ్వబోతున్నాడు బన్నీ. సినిమా సినిమాకీ తన లుక్ మార్చడం బన్నీ ఆనవాయితీ. ఈసారీ కొత్త లుక్లోనే కనిపించనున్నాడని టాక్.
బన్నీ సంక్రాంతి సంబరాలు @ పాలకొల్లు
