అల్లు అర్జున్ – దేవిశ్రీ ప్రసాద్ కాంబినేషన్ ఎప్పుడూ సూపర్ హిట్టే. బన్నీకి ఎప్పుడూ మంచి పాటలే అందించాడు డీఎస్పీ. ఫ్లాప్ సినిమా ఆర్య 2లోనూ అదిరిపోయే పాటల్ని ఇచ్చాడు. ఆ సెంటిమెంట్ మరోసారి కంటిన్యూ అవ్వబోతోంది. అల్లు అర్జున్ తాజా చిత్రం ‘డీజే – దువ్వాడ జగన్నాథమ్’కీ దేవినే సంగీతం అందించాడు. ఇందులోని తొలి పాట శరణం భజే భజే.. ఈరోజు విడుదలైంది. పాటలో మంచి బీట్ ఉంది.. వినగా వినగా ఆకట్టుకొనేలా అనిపిస్తోంది. హీరో పరిచయ గీతాన్ని ఇలా సంస్క్రృత సమాసాలతో నింపేసి రాయడం బహుశా ఈమధ్య కాలంలో ఇదే తొలిసారేమో. జొన్న విత్తుల కలం.. పాద రసంలా కదిలింది. పాడిన విధానం, కంపోజ్ చేసిన పద్ధతి బాగున్నాయి. తెరపై ఇది హీరో పరిచయ గీతంలా వస్తుందనే విషయం పాట వింటే అర్థమైపోతోంది. మొత్తానికి డీజే ఆల్బమ్కి అదిరిపోయే బోణీ ఇచ్చాడు దేవిశ్రీ. మున్ముందు ఇంకెన్ని మంచి పాటలు వినిపిస్తాడో చూడాలి. హరీష్ శంకర్ దర్శకత్వం వహించిన ఈ చిత్రానికి దిల్రాజు నిర్మాత. జూన్ 23న ఈ చిత్రాన్ని ప్రేక్షకుల ముందుకు తీసుకురావడానికి సన్నాహాలు చేస్తున్నారు.
జేజే డీజే: తొలి పాట అదిరింది
