ఏంటి టైటిల్ చూసి ఒక్కసారిగా షాక్ అయ్యి ఉంటారు కదా.. అసలు విషయం తెలిస్తే ఇంకా ఆశ్చర్యపోయే అవకాశం ఉంది. ప్రస్తుతం త్రివిక్రం అ..ఆ మూవీ చేస్తున్నాడు. దాదాపు పూర్తి కావచ్చిన ఈ సినిమా తర్వాత లెక్క ప్రకారం సూర్యతో త్రివిక్రమ్ ద్విభాషా సినిమా ఉంటుందని వార్తలొచ్చాయి. అయితే సూర్య సింగం-3 రీసెంట్ గానే స్టార్ట్ అయ్యింది అది అయ్యాక కాని త్రివిక్రంతో తీసే వీలులేదు.
అందుకే ముందు ఆలోచనతో ఈ లోపు త్రివిక్రం బన్నితో ఓ కథ చర్చించడం బన్ని దానికి ఓకే చెప్పడం జరిగిందట. అయితే ఇందులో మరో హీరోకి కూడా స్కోప్ ఉందట. అందుకే ఆ పాత్ర కోసం కింగ్ నాగార్జునను అడిగే ఆలోచనలో ఉన్నాడట త్రివిక్రం. ప్రత్యక్షంగా త్రివిక్రం దర్శకత్వంలో చేయకపోయినా ఆయన రాసిన మాటలతో సినిమాలను సూపర్ హిట్ కొట్టాడు నాగ్. అయితే ప్రస్తుతం ఫుల్ బిజీ షెడ్యూల్లో ఉన్న నాగార్జున త్రివిక్రం ఆఫర్ ను ఓకే చేస్తాడా.. లేదా అన్నది ఇప్పుడు హాట్ టాపిక్ అయ్యింది.
ఒకవేళ ఈ కాంబినేషన్ నిజంగా ఓకే అయితే కనుక తెలుగు ప్రేక్షకులు మరో భారీ మల్టీ స్టారర్ సినిమా తెర మీద చూసేసినట్టే. మరి ఈ సమాచారంలో నిజమెంత ఉంది అన్నది మరికొద్దిరోజుల్లో తెలిసిపోతుంది. ప్రస్తుతం త్రివిక్రం అ..ఆ సినిమా పూర్తి చేసే హడావిడిలో ఉన్నాడు.
