అల్లరి నరేష్ తన కంఫర్ట్ జోన్ నుంచి బయటికి వచ్చి డిఫరెంట్ సబ్జెక్ట్స్ చేస్తున్నారు. మాస్ టచ్ వున్న పాత్రల్లో కనిపిస్తున్నారు. ఇప్పుడు ఆయన నుంచి బచ్చల మల్లి వస్తోంది. సోలో బ్రతుకే ఫేం సుబ్బు ఈ సినిమాకి దర్శకుడు. తాజాగా టీజర్ ని రిలీజ్ చేశారు.
టీజర్ పూర్తిగా నరేష్ క్యారెక్టర్ పై ద్రుష్టి పెట్టింది. మల్లి ఓ రెబల్ క్యారెక్టర్. చిన్నప్పటి నుంచి తన మూర్ఖత్వంతో అన్నీ గొడవలే. తను ఎవరి మాట వినని సీతయ్య టైపు. మై లైఫ్ మై రూల్స్ అని బ్రతికే రకం. తన జీవితంలో ఓ ప్రేమ అధ్యాయం కూడా వుంది. చివరికి తన మూర్ఖత్వంతో జీవితం ఎలా మారింది ? తన చుట్టుపక్కన వున్న వ్యక్తులు ఎలాంటి పరిస్థితులు ఎదుర్కొన్నారు? అనేది ఆసక్తికరం.
ఓ రియల్ లైఫ్ స్ఫూర్తితోనే ఈ కథని రాసుకున్నాడు సుబ్బు. టీజర్ లో ‘రా’నెస్ కనిపించింది. బచ్చల మల్లి క్యారెక్టర్ పై ఆసక్తి పెరిగింది. నరేష్ మాస్ లుక్ నేచురల్ గా వుంది. అమృత అయ్యర్ తో పాటు రోహిణి, రావు రమేష్, అచ్యుత్ కుమార్ పాత్రలకి ప్రాధాన్యత వుంది. విశాల్ చంద్రశేఖర్ బీజీఎం బలంగా వినిపించింది. డిసెంబర్ 20న ఈ సినిమా ప్రేక్షకుల ముందుకు వస్తోంది.
