హాలీవుడ్ సినిమాలు చూసే వారికి ట్రాయ్ సినిమా గురించి ప్రత్యేకంగా ప్రస్థావించాల్సిన పనిలేదు. అంతటి అద్భుత సినిమాలో అవకాశం వచ్చినా తాను చేయలేను అని తప్పుకుందట ప్రపంచ సుందరి ఐశ్వర్య రాయ్. 2004లో వచ్చిన ఆ సినిమాలో డయాన్ క్రూజన్ నటించిన పాత్రలో ముందు ఐశ్వర్యనే అడిగారట ట్రాయ్ దర్శకుడు వోల్గ్యాంగ్ పీటర్సన్. అయితే ఆ పాత్ర చేయడానికి ఓకే చెప్పిన ఐశ్వర్య దాని కోసం నగ్నంగా నటించాల్సి ఉంటుందని చెప్పాడట.
హాలీవుడ్ సినిమాల్లో నగ్నంగా నటించడం తప్పేం లేదు కాని భారతీయ మహిళగా తాను ఆ పని చేయలేనని చెప్పి తప్పుకుందట. బ్రాడ్ ఫిట్ సరసన నటించే అదృష్టాన్ని జారవిడిచుకుందట ఐశ్వర్య. అయితే ఇప్పుడేదో హాలీవుడ్ సీరియల్స్ లో, సినిమాల్లో అవకాశం రాగానే రెచ్చిపోతున్న బాలీవుడ్ భామలు ఈ విషయాన్ని జీర్ణించుకోలేకపోతున్నారు. ఐశ్వర్య రాయ్ కాబట్టి ఆ ఆఫర్ ను రిజక్ట్ చేసింది కాని ఇప్పుడున్న నటీమణులు ఎవరైనా తప్పకుండా చేసే ఆస్కారం ఉందని బాలీవుడ్ మీడియా చురకలు వేస్తూ హడావిడి చేస్తుంది.
రీసెంట్ గా ఓ పబ్లిక్ మీట్ లో ట్రాయ్ సినిమా విషయాన్ని ప్రస్థావించింది ఐశ్వర్య రాయ్ బచ్చన్. సో భారతదేశ సంప్రదాయాలను పాటించింది కనుకనే ట్రాయ్ ఆఫర్ను రిజక్ట్ చేసింది ఐశ్వర్య. ఒకవేళ అదే సినిమా ఐశ్వర్య చేసుకుంటే ఆమె రేంజ్ ఎలా ఉండేదో మరి. ప్రపంచ సుందరి అయినా సరే విలువలకు ప్రాణం ఇస్తున్న ఐశ్వర్యకు హ్యాట్సాఫ్ చెప్పకుండా ఉండలేం.
