సుహాస్ కథల ఎంపిక బావుంటుంది. తనకి తగ్గ కథలని, కొత్తదనం వున్న పాయింట్లని ఎంచుకొని సినిమాలు చేస్తున్నాడు. ఆయన నుంచి రాబోతున్న మరో సినిమా ‘గొర్రె పురాణం’. బాబీ దర్శకుడు. తాజాగా ఈ సినిమా ట్రైలర్ ని రిలీజ్ చేశారు.
తరుణ్ భాస్కర్ వాయిస్ లో ట్రైలర్ మొదలైయింది. ఇందులో కథలోని పాయింట్ చెప్పారు. ఓ గొర్రె కారణంగా రెండు మతాలు మధ్య చిచ్చు రేగుతుంది. ప్రజలు రెండుగా విడిపోయి ఘర్షణ పడతారు. చివరికి ఆ గొర్రెపై కేసు పెడతారు. ఈ కేసుకి హీరో పాత్రకి ఏమిటి సంబంధం అనేది మిగతా కథ.
పాయింట్ ఆసక్తికరంగానే వుంది. సుహాస్ ఖైదీగా కనిపించాడు. అతని నేపధ్యం గురించి ప్రస్థావించలేదు. తనకేదో బలమైన ఫ్లాష్ బ్యాకే వుంది.’ మనం బ్రతకడానికి గొర్రెని తినేస్తాం. గొర్రె బ్రతకడానికి మనల్ని చంపేస్తే ఎందుకు తన ఆత్మరక్షణగా భావించకూడదు’ అనే డైలాగ్ ఆలోచన రేకెత్తింస్తుంది. ఏదో బలమైన సామజిక అంశాన్నే ఇందులో టచ్ చేశారు. సెప్టెంబర్ 20న సినిమా ప్రేక్షకుల ముందుకు వస్తోంది.
