మొత్తంగా అమ్మడానికి.. తాకట్టు పెట్టడానికి చివరికి అప్పులు పుట్టించడం కూడా సాధ్యం కాని స్థితికి ఏపీని మూడేళ్లకే తీసుకెళ్లిన జగన్ ఇప్పుడు పథకాల్ని ఆపే సి ఆ నెపాన్ని విపక్షాలపై వేయాలనుకుంటున్నారని ఆంధ్రజ్యోతి ఎండీ వేమూరి రాధాకృష్ణ తేల్చారు. తన వారాంతపు ఆర్టికల్ ” కొత్తపలుకు”లో ప్రధానంగా జగన్ చేసిన పథకాలు ఆపేయమంటున్నారన్న విమర్శలపైనే ఎక్కువ దృష్టి కేంద్రీకరిచారు. మొత్తంగా నలుగురి పేర్లు అందలో తన పేరు కూడా చేర్చి దుష్ట చతుష్టయం అంటున్నారని .. ఆ చతుష్టయంలో ఆర్బీఐ, కాగ్ వంటి వారు కూడా ఉన్నారా అని ప్రశ్నించారు. ఇక్కడ ఆర్కే.. తన మార్క్ సెన్సాఫ్ హ్యూమర్ను కూడా ప్రదర్శించి. దుష్ట చదుష్టయానికి జగన్ భాషలో ” దుసట చతుసటయం” అని కూడా వివరించారు.
ఆస్తులు, ఆదాయం పెంచకుండా అప్పులు చేసుకుంూ పోతే శ్రీలంక అవుతుందని తాము చెప్పడం లేదని.. ఆర్థిక నిపుణులందరూ చెబుతున్నారని ఆర్కే స్పష్టం చేశారు. కానీ పథకాల్ని ఇచ్చే శక్తి లేని జగన్ ిప్పుడు తమపై నిందలేసి పథకాల్ని ఆపేయబోతున్నారని ఆర్కే జోస్యం చెప్పారు. ఎందుకు పథకాలు ఆగబోతున్నాయో కూడా వివరించారు. కేంద్రం కూడా ఏపీకి అప్పుల విషయంలో జాగ్రత్తగా ఉండాలని నిర్ణయించుకుందట . ప్రధాని మోదీ ప్రత్యేకంగా దృష్టి సారించి… ఏపీ అప్పుల విషయంలో ఖచ్చితంగా రూల్స్ పాటించాలని ఆదేశించాట. అందుకే ఇప్పుడు అప్పులకు ఇంకా అనుమతి రాలేదని చెబుతున్నారు.
ఆర్కే తన ఆర్టికల్లో చాలా సూటిగా ఒకటే సందేశాన్ని ఇస్తున్నారు. జగన్ పాలన వల్ల ఇక ఏపీ కోలుకునే పరిస్థితి ఉండదని.. ప్రజలు పన్నులు కట్టుకుంటే అందులో కొంత పాలకులు దిగమింగి మరికొంత మంది ప్రజలకు పంచుతారనిచెబుతున్నారు. ఏపీలో ఇప్పుడు కాంట్రాక్టుల అవినీతి తగ్గిపోయిందని తేల్చారు. ఆ అవినీతి తగ్గిపోవడానికి కారణం టెండర్లు వేసేవారు ఎవరూ లేకపోవడమే. పనులు జరగడం లేదు… బిల్లులు వస్తాయన్న నమ్మకం లేదు కాబట్టి టెండర్లు వేయడం లేదంటున్నారు. అదే తెలంగాణలో ఎనిమిది శాతం.. కర్ణాటకలో పద్దెనిమిది శాతం కమిషన్లు తీసుకుంటున్నారని చెప్పుకొచ్చారు. ఏపీలో కాంట్రాక్ట్ కమిషన్లు లేకపోవడం వల్ల సహజ వనరుల దోచుకుంటున్నారని ఆర్కే తేల్చారు.
ఈ వారం మొత్తం ఆర్టికల్ను చదివిన తర్వాత ఆర్కే కలిగించే అభిప్రాయం. జగన్ కు కూడా తన భవిష్యత్ అర్థమైపోయింది. మూడేళ్లకే చేతులెత్తేశాడు. అందుకే భయంగా బేలగా.. మాట్లాడుతున్నాడు. ఎమోషనల్ బ్లాక్ మెయిలింగ్కు దిగే ప్రయత్నం చేస్తున్నారు అని.
