అలా మొదలైంది సినిమాతో లేడీ డైరక్టర్ అయినా సరే స్టార్ ఇమేజ్ ను సొంతం చేసుకుంది దర్శకురాలు నందిని రెడ్డి.. ఆ సినిమాతో వచ్చిన క్రేజ్ ను సరిగా వినియోగించుకోలేక రెండో సినిమా జబర్దస్థ్ అంటూ ఫ్లాప్ సినిమాతో అపవాదాలు మూటకట్టుకుంది. అయితే కొద్దిగా గ్యాప్ తీసుకుని ఇప్పుడు కళ్యాణ వైభోగమే సినిమా ద్వారా ప్రేక్షకుల ముందుకు రాబోతుంది నందిని రెడ్డి.
నాగశౌర్య, మాళవికా నాయర్ జంటగా నటించిన కళ్యాణ వైభోగమే సినిమాను రంజిత్ మూవీస్ బ్యానర్ లో దామోదర ప్రసాద్ నిర్మించారు. థియేటర్స్ సమస్యల వల్ల రిలీజ్ కాకుండా ఉన్న ఈ సినిమాలు ఎట్టకేలకు రిలీజ్ చేయనున్నారు. ప్రస్తుతం నైజాంలో వరుసెంట పెద్ద సినిమాలను రిలీజ్ చేస్తూ ట్రెండ్ క్రియేట్ చేస్తున్న అభిషేక్ పిక్చర్స్ వారు ఈ సినిమాను సొంతం చేసుకున్నారు.
ముందు జనవరిలోనే సినిమా రిలీజ్ అనుకున్నా అది ఫిబ్రవరి దాకా వచ్చింది. థియేటర్స్ సమస్యల వల్ల సినిమా విడుదలను పోస్ట్ పోన్ చేసిన కళ్యాణ వైభోగమే సినిమాను అభిషేక్ పిక్చర్స్ వారి చేతికి అందడంతో భారీగా విడుదలకానుంది. మరో వారంలో నాని కృష్ణగాడి వీర ప్రేమగాధ వస్తుండగా.. దిల్ రాజు నిర్మించిన సునీల్ కృష్ణాష్టమి కూడా రిలీజ్ అవుతుంది. ఈ రెండు సినిమాల తాకిడికి కళ్యాణ వైభోగమే కాస్త వెనుకపడాల్సి వచ్చింది. కొత్త రిలీజ్ డేట్ ప్రకటించి ఆ రోజు గ్రాండ్ గా కళ్యాణ వైభోగమే రిలీజ్ చేయనున్నారు.
