ఆగస్టు 15న ‘పుష్ష 2’ రావాల్సింది. కానీ అనివార్య కారణాల వల్ల డిసెంబరుకు వాయిదా పడింది. ‘పుష్ష 2’ రావడం లేదని ఎప్పుడైతే తెలిసిందో, అప్పుడే మిగిలిన సినిమాలు అలెర్ట్ అయిపోయాయి. పూరి – రామ్ కాంబోలో రూపుదిద్దుకొన్న ‘డబుల్ ఇస్మార్ట్’ ఆగస్టు 15నే రాబోతోంది. గోపీచంద్ – శ్రీనువైట్ల ‘విశ్వం’, దుల్కర్ సల్మాన్ ‘లక్కీ భాస్కర్’ ఇవన్నీ ఆగస్టు 15నే రిలీజ్కు రెడీ అయ్యాయి. రానా నిర్మాతగా రూపొందిన ’35 – చిన్న కథ కాదు’ చిత్రాన్నీ ఇదే రోజున విడుదల చేస్తారు. ఇప్పుడు ఈ లిస్టులో మరో సినిమా చేరింది. అదే ఆయ్.
గీతా ఆర్ట్స్ 2 సంస్థ నిర్మించిన చిత్రమిది. బన్నీ వాస్ నిర్మాత. నార్నె నితిన్. నయన్ సారిక జంటగా నటించారు. అంజి కె.మణిపుత్ర దర్శకుడు. చిత్రీకరణ పూర్తయ్యింది. ప్రమోషన్లు కూడా ఎప్పటి నుంచో ప్రారంభించేశారు. ఈ చిత్రాన్ని ఆగస్టు 15న విడుదల చేస్తున్నట్టు చిత్రబృందం అధికారికంగా ప్రకటించింది. దాంతో పంద్రాగస్టు పోటీలో ప్రస్తుతానికి 5 చిత్రాలు బరిలో నిలిచినట్టైంది. రానున్న రోజుల్లో ఇంకెన్ని సినిమాలు ఈ రేసులో చేరతాయో చూడాలి.
