ఓటీటీలో రెండు చిన్న సినిమాలు దుమ్ము రేపుతున్నాయి. జూనియర్ ఎన్టీఆర్ బావమరిది నార్నె నితిన్ హీరోగా తెరకెక్కి సాలిడ్ వసూళ్లు రాబట్టిన ఆయ్ , నిహారిక కొణిదెల నిర్మాణంలో తెరకెక్కిన లేటెస్ట్ మూవీ ‘కమిటీ కుర్రోళ్ళు’ ఓటీటీలో సందడి చేస్తున్నాయి.

”కమిటీ కుర్రాళ్ళు”..ఆగస్టు 9న విడుదలైన ఈ చిత్రం సూపర్ హిట్ రెస్పాన్స్ సొంతం చేసుకుంది. సుమారు రూ.5 కోట్ల లోపు బడ్జెట్‍‍తో రూపొందిన ఈ సినిమా…17కోట్ల గ్రాస్ కలెక్షన్లు దక్కించుకున్నట్లు సమాచారం.

ఇక,ఆగస్టు 15న విడడులైన ఆయ్ సినిమా 14కోట్ల కలెక్షన్స్ రాబట్టి సూపర్ హిట్ చిత్రంగా నిలిచింది. ఈ రెండు సినిమాల ఓటీటీ రిలీజ్ ఎప్పుడెప్పుడా అని ఎదురుచూస్తున్న సినీ ప్రియులకు మేకర్స్ గుడ్ న్యూస్ చెప్పారు.

ఆయ్ సినిమా ఓటీటీ రైట్స్ ను ప్రముఖ ఓటీటీ సంస్థ నెట్ ఫ్లిక్స్ సొంతం చేసుకోగా.. కమిటీ కుర్రాళ్ళు డిజిటల్ స్ట్రీమింగ్ హక్కులను ప్రముఖ ఓటీటీ సంస్థ ఈటీవీ విన్ సొంతం చేసుకుంది. సెప్టెంబర్ 12 గురువారం నుంచి ఈ సినిమాలు స్ట్రీమింగ్ అవుతున్నాయి.