మాటల మాంత్రికుడు త్రివిక్రం ప్రస్తుతం చేస్తున్న అ..ఆ సినిమా విషయంపై మరోసారి వెనక్కి తగ్గినట్టు తెలుస్తుంది. నితిన్, సమంత జంటగా నటిస్తున్న ఈ సినిమా ముందునుండి కాస్త కన్ ఫ్యూజన్ లో ఉన్న త్రివిక్రం సినిమా రిలీజ్ విషయంలో మళ్లీ వాయిదా బాటలో నడుస్తున్నట్టు తెలుస్తుంది. ఇప్పటివరకు ఏప్రిల్ 22న రిలీజ్ డేట్ కన్ఫాం చేసిన అ..ఆ మూవీ ప్రస్తుతం ఆ డేట్ ను పోస్ట్ పోన్ చేసే ఆలోచనలో ఉన్నారట.
హారిక & హాసిని క్రియేషన్స్ పతాకంలో రాధాకృష్ణ నిర్మిస్తున్న ఈ సినిమాలో మలయాళ ప్రేమం బ్యూటీ అనుపమా పరమేశ్వరన్ కూడా ఓ ఇంపార్టెంట్ రోల్ ప్లే చేస్తుంది. ప్రస్తుతం సాంగ్ షూట్ లో ఉన్న ఈ సినిమా తాజాగా తన రిలీజ్ ను వాయిదా వేసుకునే ఆలోచనలో ఉంది. ఏప్రిల్ లో ఇప్పటికే సర్దార్ గబ్బర్ సింగ్, సరైనోడుతో అల్లు అర్జున్ వస్తుండగా తమ సినిమాను ఒక రెండు వారాలు వెనక్కి అంటే మే 6న రిలీజ్ చేసేలా ప్లాన్ చేస్తున్నారట దర్శక నిర్మాతలు.
మరి ఇన్నాళ్ల కెరియర్ లో ఎప్పుడు లేని విధంగా సినిమాల రిలీజ్ డేట్ ను పోస్ట్ పోన్ చేసుకుంటూ వస్తున్న త్రివిక్రం సినిమా ఫలితాన్ని ఎలా అందుకుంటాడా అని అతని అభిమానుల్లో ఆలోచన పడ్డది. ప్రస్తుతం యువ దర్శకుల సత్తా చాటుతున్న ఈ తరుణంలో స్టార్ దర్శకుడిగా త్రివిక్రం తన మార్క్ హిట్ కొట్టాల్సిన అవసరం ఎంతైనా ఉంది.
