బ్రహ్మోత్సవం సినిమా గురించి రిలీజ్డేట్ వాయిదా వేసుకొంది అఆ. బ్రహ్మోత్సవం ఎప్పుడైతే మే 20 అన్నారో.. అప్పుడు అ ఆ రిలీజ్ డేట్ కూడా ఫిక్స్ చేసుకొన్నారు. జూన్ 2న రావడానికి జెండా ఊపేశారు. అయితే బ్రహ్మోత్సవం విడుదలై.. ఫ్లాప్ టాక్ తెచ్చుకోవడంతో, అఆ ఓ వారం ముందు రావొచ్చేమో అనుకొన్నారంతా. ఎందుంకంటే బ్రహ్మోత్సవం డిజాస్టర్ని క్యాష్ చేసుకోవడానికి అఆకే ఎక్కువ అవకాశాలున్నాయి. అయితే చిత్రబృందం మాత్రం తమ కమిట్ మెంట్కే కట్టుబడి ఉంది. బ్రహ్మోత్సవం విడుదలైన రెండు వారాలకు మేం వస్తాం.. అని అఆ టీమ్ ముందే చెప్పేసింది. దాని ప్రకారమే రిలీజ్ డేట్ ఫిక్స్ చేసుకొంది. ఇప్పుడు ముందొచ్చేస్తే ఆ కమిట్మెంట్ని ధిక్కరించినట్టు అవుతుంది. అందుకే అఆ… రావట్లేదు.
దానికి తోడు ఈ సినిమా సెన్సార్ పూర్తికావల్సివుంది. సినిమా అంతా ఒకటికి పదిసార్లు చూసుకొని, తుది మెరుగులు దిద్దించుకొని, అన్నీ పక్కగా కుదిరాకే విడుదల చేయాలన్నది త్రివిక్రమ్ ఆలోచన. ఈనెల 27న విడుదల చేసేస్తే.. త్రివిక్రమ్కి అంత టైమ్ ఉండదు. ఇంకా ప్రమోషన్లు కూడా మొదలుపెట్టలేదాయె. అందుకే.. జూన్ 2కే రావాలని నిర్ణయించుకొన్నారు. అప్పుడే వస్తున్నారు కూడా. అదీ.. అఆ రిలీజు మతలబు.
