సూపర్ స్టార్ ఫ్యామిలీ నుండి వచ్చిన హీరో సుధీర్ బాబు..ఎస్.ఎం.ఎస్ సినిమాతో ఎంట్రీ ఇచ్చిన ఈ కథానాయకుడు తనకంటూ ఒక సెపరేట్ స్టైల్ అయితే క్రియేట్ చేసుకున్నాడు కాని సినిమాలను మాత్రం కమర్షియల్ గా హిట్ చేసుకోలేకపోతున్నాడు. ఈ ఇయర్ వచ్చిన కృష్ణమ్మ కలిపింది ఇద్దరిని సినిమా బాగున్నా రిలీజ్ టైం సరిగా లేక యావరేజ్ గా మిగిలిపోయింది.
ప్రస్తుతం సుధీర్ చేస్తున్న సినిమా భలే మంచి రోజు.. ఒక్క రోజు జరిగే సంఘటన ఆధారంగా తెరకెక్కించిన సినిమా ఇది. రీసెంట్ గా టీజర్ తో షాక్ ఇచ్చిన ఈ సినిమా ఆడియో నిన్న హైదరాబాద్ శిల్పకళావేదికలో గ్రాండ్ గా జరిగింది. సూపర్ స్టార్ మహేష్ ముఖ్య అతిధిగా వచ్చిన ఈ ఆడియో కార్యక్రమంలో పలువురు సిని ప్రముఖులు హాజరయ్యారు. సుధీర్ అంటే తనకు చాలా ఇష్టమని.. సుధీర్ హార్డ్ వర్క్ చాలా బాగుంటుందని.. ఒక్క కరెక్ట్ సినిమా పడితే అతని స్టార్ అవుతాడని అన్నాడు మహేష్.
సినిమా డైరక్టర్ చాలా కాన్ ఫిడెంట్ గా ఉన్నాడు. ట్రైలర్స్ కూడా చాలా బాగున్నాయి. సినిమా కచ్చితంగా మంచి విజయం సాధించాలని కోరుకుంటున్నా అని మహేష్ అన్నారు. సూపర్ స్టార్ అభిమానుల కోలాహలంలో హంగామాగా భలే మంచి రోజు ఆడియో వేడకు జరిగింది. అన్ని కార్యక్రమాలను ముగించుకుని ఈ సినిమా త్వరలో విడుదల చేసేందుకు సిద్ధమవుతున్నారు చిత్ర యూనిట్.
